قازاقستان اتىنان ارىستانبەك مۇحامەديۇلى كەلىسىمگە قول قويدى. فوتو: پارس.اقپارات.

بەيسەنبى كۇنى، يران ورتالىق قالاسى تەھراندا (تەگەران) قر مادەنيەت جانە سپورت ءمينيسترى ا. مۇحامەديۇلى مەن ير مادەنيەت جانە يسلامدىق بايلانىستار ۇيىمىنىڭ باسشىسى ابوزار يبراھيمي ەكى ەل اراسىندا مادەني سالاداعى كەڭەيتىلگەن سەلبەستىك كەلىسىمىنە قول قويدى. بۇل تۋرالى يراننىڭ "پارس.اقپارات" اگەنتتىگى حابارلاپ وتىر.

29 تارماقتان تۇراتىن كەلىسىمگە قول قويىلعاننان كەيىن كينەماتوگرافيا، تەاتر، مۋزىكا سالالارىندا ەكى جاقتى سەرىكتەستىكتەر ورىستەتىلمەك. وعان قوسا، قولجازبالار مەن يران جانە قازاقستاننىڭ مادەنيەت قايراتكەرلەرى اراسىندا ىنتىماقتاستىق ورناتىلادى. كورمەلەر جانە مادەني اپتالىقتار وتكىزۋ بولىمدەرىندەگى ەكىجاقتى ورتاق ارىپتەستىكتەر جۇزەگە اسىرىلادى دەپ كۇتىلۋدە.

سوڭعى جىلدارى يران ورتا ازيا جانە كاسپي تەڭىزى اينالاسىنداعى ەلدەرمەن كوپسالالى ارىپتەستىكتى دامىتۋدى قولعا الىپ كەلەدى. سونىڭ ىشىندە قازاقستان مەن يران اراسىنداعى ساۋدا-ەكونوميكالىق، ترانسپورتتىق، تۋريزم سالاسىندا كوپتەگەن كەلىسىمدەر قولعا كەلتىرىلدى.

“The Qazaq Times”