Ormuz bwğazı halıqaralıq mañızdı su jolı sanaladı. Foto: IRNA.

Iran Ormuz bwğazınıñ qauipsizdigin qamtamasız etedi. Bwnday mälimdemeni IIR Revolyuciya saqşıları korpusı teñiz küşteriniñ qolbasşısı mälimdedi. Ol mälimdemesinde Iran Teñiz küşteri halıqaralıq su jolı, transaymaq sanalatın Parsı şığanağındağı qauipsizdik pen tärtipti saqtauğa tolıqtay qabiletti. 

Bandar-Abbastağı Teñiz küşterin aralau kezinde Iran Revolyuciya saqşıları korpusına qarastı Teñiz küşteriniñ qolbasşısı Alireza Tangisiri: "Iran Teñiz küşteri Parsı şığanağında tärtipsizdik pen bılıqpalıq ornatuğa jol bermeydi. Twraqtılıqtı saqtap, qauipsizdik ornatu mindetin öteydi",  – dep mälimdedi.

Ol sonday-aq, Parsı şığanağı men onıñ aşıq teñizge şığatın ötkeli Ormuz bwğazınıñ qauipsizdigi halıqaralıq transaymaq retinde asa mañızdı ekenin, sondıqtan atalğan su aydınındağı kez-kelgen tärtipsizdikke jol bermeytinin eskertti.

AQŞ pen Iran qatınasınıñ şielenisuine baylanıstı halıqaralıq asa mañızdı mwnay tasımal jolı sanalatın Parsı şığanağı men Ormuz bwğazınıñ qauipsizdigi Şığıs-Batıs elderin alañdattı. Şığanaqta belsendilik tanıtqan AQŞ, Iran jäne Saud Arabiyasınıñ küşteri qaqtığıs qaupin de küşeytude. Bwdan bwrın atalğan su alabında jäne oğan jaqın teñizderde mwnay tasımal kemelerine şabuıldar jasalğan bolatın.

“The Qazaq Times”