Homeyni Ansarolla qozğalısınıñ ökilderin qabıldadı. Foto: IRNA,

Iran biligi Saud Arabiyası men Birikken Arab Ämirliginiñ Yemendegi äreketterine bar küşimen qarsı twrmaq. Mwnday mälimdemeni Irannıñ ruhani kösemi, eñ joğarı lauazımdısı ayatolla Homeyni mälimdedi. Ol atalğan mälimdemesin Yemendegi Ansarolla qozğalısınıñ ökilderimen kezdesu kezinde ortağa salğan bolatın. 

IIR-nıñ ruhani kösemi Saud Arabiyası men BAÄ-nıñ Yemendegi äreketin bölşekteu, beybit eldi basıp alu dep bağalağan. Ol sonday-aq, Yemendegi dini senim alauızdığın, taypalar men toptardıñ erekşelikterin eskere otırıp "Yemendik dialog" ornatu ideyası ortağa salğan.

Homeyni kezdesude Batıs elderin Orta Şığıstağı barlıq bülikke aralasqanımen, Yemen jäne Palestinadağı şapqınşılıq äreketterge köz jwma qarap otır degen pikirin bildirgen.

Yemendegi Husit küşteriniñ şet küşterine qarsı küresin joğarı bağalağan Homeyni Saud Arabiyası men BAÄ-nıñ sol eldegi äreketterine qarsı twruğa Iran tarabı bar küşin salatının eskertken.

“The Qazaq Times”