Foto: Reuters

Venesuelada Oppoziciya tarapın qoldağanı jäne özine qaraytın aumaqtağı köterilisterdi basu turalı bwyrıqtı orındamağanı üşin, Karakas qalasınıñ meri qızmetinen bosatılıp, 15 ayğa türmege jabıldı. Qolğa tüsken Devid Smolenskiy - soñğı eki aptada qızmetinen bosatılğan, abaqtığa jabılğan 5-şi mer.

Devid Smolenskiy - 124 adam qaza tauıp ne memleket tarapınan jazağa wşırağan Venesueladağı bilikke qarsı köterilister kezinde közge tüsken bwrınğı belsendi student.  Särsenbi küni onıñ özge de belsendilerdi jinap, öz audanında qarsılıq qozğalıstarın wyımdastırğanı belgili boldı.

Karakastağı däuletti audannıñ meri Roman Muçaço osı seysenbide jwmısınan bosap, 15 ayğa türmege jabılu jazasına kesilip edi.

AQŞ Venesuela sayasatkerleri men birqatar azamattarına qarsı salğan sankciyaların keñeytudi jalğastırıp jatır. Ekonomikalıq şekteuge wşıramağan bir ğana sala qazirge Venesuelanıñ mwnay sektorı. Degenmen AQŞ Venesuelanıñ onsız da älsirep twrğan ekonomikasına auır soqqı bolıp tietin mwnay sektorına salınatın sankciyalar talqılanu üstinde ekenin mälimdedi.

AQŞ-tıñ salqın qarım-qatınası men halıqtıñ narazılığınıñ bastı sebebi - Nikolas Maduronıñ bastamasımen saylanğan 545 adamnan twratın Wlttıq Qwrıltaydıñ jwmısın bastauı. 2015 jılı Kongresste basım orındardı ielengen Oppoziciya endi sayasi küşinen ayırıldı. Öytkeni jañadan saylanğan organ qabıldağan zañdar men şeşimderdi Kongress joqqa şığara almaydı.

“The Qazaq Times”