فوتو: Reuters

ۆەنەسۋەلادا وپپوزيتسيا تاراپىن قولداعانى جانە وزىنە قارايتىن اۋماقتاعى كوتەرىلىستەردى باسۋ تۋرالى بۇيرىقتى ورىنداماعانى ءۇشىن، كاراكاس قالاسىنىڭ مەرى قىزمەتىنەن بوساتىلىپ، 15 ايعا تۇرمەگە جابىلدى. قولعا تۇسكەن دەۆيد سمولەنسكي - سوڭعى ەكى اپتادا قىزمەتىنەن بوساتىلعان، اباقتىعا جابىلعان 5-ءشى مەر.

دەۆيد سمولەنسكي - 124 ادام قازا تاۋىپ نە مەملەكەت تاراپىنان جازاعا ۇشىراعان ۆەنەسۋەلاداعى بيلىككە قارسى كوتەرىلىستەر كەزىندە كوزگە تۇسكەن بۇرىنعى بەلسەندى ستۋدەنت.  سارسەنبى كۇنى ونىڭ وزگە دە بەلسەندىلەردى جيناپ، ءوز اۋدانىندا قارسىلىق قوزعالىستارىن ۇيىمداستىرعانى بەلگىلى بولدى.

كاراكاستاعى داۋلەتتى اۋداننىڭ مەرى رومان مۋچاچو وسى سەيسەنبىدە جۇمىسىنان بوساپ، 15 ايعا تۇرمەگە جابىلۋ جازاسىنا كەسىلىپ ەدى.

اقش ۆەنەسۋەلا ساياساتكەرلەرى مەن بىرقاتار ازاماتتارىنا قارسى سالعان سانكتسيالارىن كەڭەيتۋدى جالعاستىرىپ جاتىر. ەكونوميكالىق شەكتەۋگە ۇشىراماعان ءبىر عانا سالا قازىرگە ۆەنەسۋەلانىڭ مۇناي سەكتورى. دەگەنمەن اقش ۆەنەسۋەلانىڭ ونسىز دا السىرەپ تۇرعان ەكونوميكاسىنا اۋىر سوققى بولىپ تيەتىن مۇناي سەكتورىنا سالىناتىن سانكتسيالار تالقىلانۋ ۇستىندە ەكەنىن مالىمدەدى.

اقش-تىڭ سالقىن قارىم-قاتىناسى مەن حالىقتىڭ نارازىلىعىنىڭ باستى سەبەبى - نيكولاس مادۋرونىڭ باستاماسىمەن سايلانعان 545 ادامنان تۇراتىن ۇلتتىق قۇرىلتايدىڭ جۇمىسىن باستاۋى. 2015 جىلى كونگرەسستە باسىم ورىنداردى يەلەنگەن وپپوزيتسيا ەندى ساياسي كۇشىنەن ايىرىلدى. ويتكەنى جاڭادان سايلانعان ورگان قابىلداعان زاڭدار مەن شەشىمدەردى كونگرەسس جوققا شىعارا المايدى.

“The Qazaq Times”