Bügin, 1 şildede Almatıda The Qazaq Times-qa swhbat bereyin dep twrğan sätinde belgisiz adamdar küştep alıp ketken oppoziciyalıq sayasatker Jasaral Quanışalin qolı sınıp, auruhanağa jetkizildi. Bwl turalı redakciyamızğa sayasatkerdiñ äyeli Ayswlu Qadırbaeva habarladı. 

Onıñ aytuına qarağanda, küyeuin Almatıdağı auruhanalardıñ birine jetkizgen. Sayasatkerdiñ sausağı sınıp, qan qısımı köterilip ketken. Oğan bwl aqparattı küyeuiniñ özi medbikeniñ telefonımen habarlasıp aytqan.

"The Qazaq Times" tilşisi sayasatker jetkizildi degen Qazıbek bi köşesinde ornalasqan qalalıq jedel şwğıl kömek körsetu auruhanasına barıp, mäseleniñ jay-japsarın bilmek bolğan. Biraq kireberiste twrğan medbike Jasaral Quanışalinge baylanıstı aqparattı jurnalisterge tek bölim meñgeruşisi Jänibek Ahmetwlı beretinin ayttı. Keyinnen Ahmetwlınıñ sayasatkerge baylanıstı eşqanday aqparat bere almaytının jetkizdi.

"The Qazaq Times"