Venesuelanıñ Bas prokurorı qızmetinen ketken Luiza Ortega. Foto: Informe 21

Venesuelada Bas Prokuror qızmeti Nikolas Maduro Ükimetine qarsı äreket etken Luiza Orteganıñ qolınan küşpen tartıp alınıp, memleket basşısınıñ jeke zañgeri Tarek Saabqa berildi. Bwl turalı Euronews aqparattıq agenttigi jazdı.

Tarek Saab Euronews -qa bergen swhbatında Luiza Ortegonı ayamay sınadı: "Luiza Ortego Diastıñ basşılığındağı ministrlik säuir ayınan beri jalğasıp kele jatqan halıqtıq qozğalıstar kezinde, beybitşilik ornatudıñ ornına, sol köterilisterge özderi qatıstı. Bwl beybit twrğındardıñ ölimine alıp keldi".

Qızmetinen eriksiz bosatılğan Luiza Ortegonıñ küyeui äyeliniñ memleket biligi tarapınan qudalauğa wşırap otırğanın ayttı. Onıñ aqparatınşa, Luiza Ortego men onıñ tuıstarın belgisiz adamdar kölikte añdıp, soñına tüsip, qorqıtqan.

Euronews-tıñ Karakastağı tilşisi Eduardo Salazar: "Jañadan tağayındalğan Bas Prokuror Wlttıq Qwrıltay jinalısınıñ aqiqattı ornatu komitetimen birlesip, soñğı 4 ayda bolğan köterilis saldarınan qaza tapqan azamattardıñ ölimine kinälilerdi tabatındığın mälimdedi ", - deydi.

“The Qazaq Times”