ۆەنەسۋەلادا باس پروكۋرور كۇشپەن اۋىستىرىلدى

ۆەنەسۋەلادا باس پروكۋرور قىزمەتى نيكولاس مادۋرو ۇكىمەتىنە قارسى ارەكەت ەتكەن لۋيزا ورتەگانىڭ قولىنان كۇشپەن تارتىپ الىنىپ، مەملەكەت باسشىسىنىڭ جەكە زاڭگەرى تارەك ساابقا بەرىلدى. بۇل تۋرالى Euronews اقپاراتتىق اگەنتتىگى جازدى.

تارەك سااب Euronews -قا بەرگەن سۇحباتىندا لۋيزا ورتەگونى اياماي سىنادى: "لۋيزا ورتەگو دياستىڭ باسشىلىعىنداعى مينيسترلىك ءساۋىر ايىنان بەرى جالعاسىپ كەلە جاتقان حالىقتىق قوزعالىستار كەزىندە، بەيبىتشىلىك ورناتۋدىڭ ورنىنا، سول كوتەرىلىستەرگە وزدەرى قاتىستى. بۇل بەيبىت تۇرعىنداردىڭ ولىمىنە الىپ كەلدى".

قىزمەتىنەن ەرىكسىز بوساتىلعان لۋيزا ورتەگونىڭ كۇيەۋى ايەلىنىڭ مەملەكەت بيلىگى تاراپىنان قۋدالاۋعا ۇشىراپ وتىرعانىن ايتتى. ونىڭ اقپاراتىنشا، لۋيزا ورتەگو مەن ونىڭ تۋىستارىن بەلگىسىز ادامدار كولىكتە اڭدىپ، سوڭىنا ءتۇسىپ، قورقىتقان.

Euronews-تىڭ كاراكاستاعى ءتىلشىسى ەدۋاردو سالازار: "جاڭادان تاعايىندالعان باس پروكۋرور ۇلتتىق قۇرىلتاي جينالىسىنىڭ اقيقاتتى ورناتۋ كوميتەتىمەن بىرلەسىپ، سوڭعى 4 ايدا بولعان كوتەرىلىس سالدارىنان قازا تاپقان ازاماتتاردىڭ ولىمىنە كىنالىلەردى تاباتىندىعىن مالىمدەدى ", - دەيدى.

“The Qazaq Times”