Äzerbayjan Halıqaralıq banki.

18 şilde küni Baku Äzirbayjan Halıqaralıq Banki qarızın qayta qwrılımdauğa qatıstı dauıs beru nätijelerin jariyaladı. Dauıs nätijesi boyınşa kreditorlardıñ 94 payızı Äzerbayjan tarapınıñ qarızı qayta qwrılımdau turalı wsınısına dauıs bergen.

Al bankke qarjı audarğan iri kreditorlardıñ biri Qazaqstannıñ birıñğay jinaqtauşı zeynetaqı qorı qarızdı qaytaru boyınşa nominaldı sommasın joğaltpay Äzerbayjannıñ täuelsiz obligaciyalarına auıstıru arqılı  2032 jılğa deyin jabu nwsqasın tañdağan.

YAğni Äzerbayjan halıqaralıq bankininiñ BJZQ aldındağı qarız mindetteri irlandıq qor birjasında saudalanatın jaña täuelsiz obligaciyalar şığaru jolı arqılı tolığımen Äzirbayjan Ükimetine ötedi.

Ayta keteyik, 2017 jıldıñ mamırında joğarıda atalğan Äzerbayjannıñ problemalı banki sırtqı qarız mindetteri boyınşa tölemniñ toqtatılğanın jäne qarızdardıñ qayta qwrılımdalatının mälimdegen. Al mamırdıñ 11-i küni ÄHB N'yu-York sotına özderin bankrot dep tanu turalı ötiniş jibergen. Osılayşa bank sırtqı qarızın qayta qwrılımdau üşin memleketten kömek almaq.

Eske salayıq, 2014 jıldıñ qazanında BJZQ zeyneatqı qarjısınıñ 250 mln dollarına AHB-nıñ borıştıq bağalı qağazdarı satıp alınğan. Osığan baylanıstı Qazaqstanda problemalı banktiñ bağalı qağazdarına jwmsalğan qarjığa qatıstı alañdauşılıq tuındağan bolatın.

Al Wlttıq banktiñ bwrınğı törağası Qayrat Kelimbetov Äzerbayjannıñ halıqaralıq bankine salınğan qazaqstandıqtardıñ zeynetaqı qarjısı sol eldiñ ükimettik qarızı retinde konvertaciyalanuı mümkin ekenin aytqan.

“The Qazaq Times”