Foto: AFP / Mohammed Huwais

Yemende tırısqaq indeti qwrbandarınıñ resmi derekterde körsetilgennen artıq boluı mümkin dep habarladı BWW bas hatşısınıñ gumanitarlıq mäseleler boyınşa orınbasarı Stiven O'Brayen.

BWW mälimetinşe, Yemende tırısqaq auruınan 330 mıñ adam zardap şegip, 1 mıñ 740 ölim tirkelgen. BWW Qauipsizdik Keñesiniñ otırısında Stiven O'Brayen : "BWW ökilderiniñ ayağı jetpey otırğan Yemenniñ şalğay audandarın qosa eseptesek, bwl körsetkiş birneşe esege artuı mümkin. Memleket biligi men gumanitarlıq kömek wyımdarınıñ qolında sudı tazartu qwrılğılarınıñ bolmauı jağdaydı odan äri qiındatıp otır", - dedi.

Yemende 16 million adam taza auız suğa qol jetkize almay otır. Eldegi auruhanalardıñ 55 payızı qarjınıñ joqtığınan jabılıp qalğan. 30 mıñğa juıq medicina qızmetkerleri bir jıl boyı jalaqı almağan. 7 million halıqqa aşarşılıq qaupi tönip twr.

Düniejüzilik Densaulıq saqtau Wyımı eldegi 23 provinciyanıñ 21-inde tırısqaq auruı taralğanın aytıp, dabıl qaqtı.

Yemende 2014 jıldan beri  bir jağınan  "Ansar Alla" şiittik qozğalısı, ekinşi taraptan Ali Abdalla Salehqa adal äskerdiñ bir böligi jäne üşinşi jaqtan Saud Arabiyasınıñ kömegine arqa süyegen qazirgi Prezident Abd Rabbu Mansur Hadidiñ tobı arasında üşjaqtı soğıs jürip jatır.

“The Qazaq Times”