Foto: litsa.com.ua

QR Bas Prokuraturasınıñ qwqıqtıq statistika jäne arnayı esep komitetiniñ basşısı Bağdat Musin öziniñ Facebook paraqşasında qwqıq qorğau organdarınıñ jelilik jüyesi endi  psiho, narkodispanserlerdiñ bazasına qosıla alatın boldı dep habarladı.

«Endi elimizdiñ barlıq tergeuşileri arnayı derek qajet bolğan jağdayda psiho, narkodispanserlerge ötinim joldap, qağaz jüzinde aqparat alıp, uaqıt joğaltpaydı. Jwmıs ornında otırıp-aq, komp'yuteri arqılı derekter bazasınan kerekti mälimetine qol jetkize aladı», - dep jazdı komitet basşısı.

Ötken jılı azamattar jöninde  osınday mekemelerden anıqtama aludı qajet etetin 120 mıñ jağday tirkelgen. Endi jaña jüye qwqıq qorğau organı qızmetkerleriniñ joğarıda atalğan mekemelerge osınşa ret barıp-keluin qısqartadı. Psiho, narkodispanserlerde keyde anıqtama birden dayın bolmaydı. Mwndayda onı alu üşin ekinşi, ne üşinşi ret baruğa tura keletin. Endi bwl uaqıtta tergeuşi basqa mañızdı jwmıstarmen aynalısa aladı.

Bağdat Musin arnayı esep ortalığına barıp kelu şığını men oğan jwmsalatın uaqıtqa deyin eseptep jazğan. Sonımen, komitet basşısınıñ mälimetinşe, är anıqtama üşin memleket şamamen, 3 mıñ 262 teñge jwmsaydı desek, bwl byudjetke jılına 400 mln teñge şığın alıp keledi. Däl osılay ötken jılı orın alğan 120 mıñ istiñ qağazın aluğa ärqaysısına  2 sağat köleminde uaqıt jwmsalsa, bügingi jaña jüye 240 mıñ sağattı ünemdeuge kömektesetin körinedi.

Al endi bwl jüye tek tergeuşiler üşin ğana emes, jeke twlğalar üşin de engizilse qwba qwp bolar edi. Sebebi qazirgi kezde jwmısqa twru kezinde azamattardıñ köpşiligi psiho jäne narkodispanserden anıqtama alu üşin birneşe sağat kezekte twruına tura keledi.

“The Qazaq Times”