Foto: ksk.tsu.ru

Bilim beru sapasın qamtamasızdandıru täuelsiz qazaqstandıq agenttigi (BSQA) jıl sayınğı toğızınşı üzdik joğarğı oqu orındarınıñ wlttıq reytingin jariyaladı.

Wlttıq reyting halıqaralıq sarapşılarmen maqwldanıp, şet eldik basılımdar men konferenciyalarda tanıstırıldı.

Joğarğı oqu orındarın bağalau üşin üş kriteriy qoldanılğan: mekemeniñ bilim beru jäne ğılımi zertteu parametrleri, akademiyalıq qauımdastıq ökilderiniñ arasındağı bedeli men jwmıs beruşilerdiñ pikiri.

Biılğı joğarğı oqu orındarınıñ wlttıq reytingine köpbeyindi, tehnikalıq, medicinalıq, pedagogikalıq, gumanitarlıq-ekonomikalıq bağıttağı, barlığı – 61 joğarğı oqu ornı qatıstı. Degenmen üzdik universitetter reytingine onıñ 57-si ğana kirgen. Reytingke ilinbey qalğan bilim ordaları BSQA-dan özderine jasalğan taldau qorıtındısın aluına boladı.

Sonımen, köpbeyindi universitetter reytinginde köş bastap twrğan – Äl-Farabi atındağı Qazaq Wlttıq universiteti. Ekinşi orınğa – L.N.Gumilev atındağı Euraziya Wlttıq universiteti, üşinşi orınğa – M.Äuezov atındağı Oñtüstik Qazaqstan memlekettik universiteti twraqtağan.

Reytingtiñ tolıq nwsqasın Bilim beru sapasın qamtamasızdandıru täuelsiz qazaqstandıq agenttiginiñ saytınan http://nkaoko.kz qarauğa boladı.

“The Qazaq Times”