QR Aqparat jäne kommunikaciyalar ministri Däuren Abaev Foto: Tengrinews

Äzerbayjannıñ bankrot bolğan halıqaralıq bankine salınğan qazaqstandıqtardıñ zeynetaqı jinaqtarına memlekettik kepildik bar. Bwl turalı QR aqparat jäne kommunikaciyalar ministri Däuren Abaev mälimdedi.

«Qazirgi tañda tekseru jwmıstarı jürgizilip jatır. Barlıq aqparat jariyalanadı. Qazaqstanda zeynetaqı jinaqtarına memlekettik kepildik bar, onı eşkim alıp tastağan joq. Ol tipti inflyaciyanı esepke aladı. Sondıqtan zeynetaqı alatın barlıq azamattar onı aladı. Oğan eşbir kümän joq, eşkim uayımdamasa boladı», - dedi vedomstvo basşısı Habar agenttiginiñ "Aşıq dialog" jobası ayasında.

Sonday-aq, Däuren Abaev investiciyanıñ mwnday türiniñ dwrıs-dwrıs emestigi teuseru kezinde anıqtalatının atap ötti.

«Özderiñiz aytıp otırsızdar «qarjı dwrıs jolmen salınğan ba?» dep. Bwl mäsele erekşe baqılauda, qajetti tekseruler jürgizilip jatır», - dedi Abaev.

Ayta keteyik, osığan deyin BJZQ-nıñ 71,3 mlrd teñgesi nemese 200 mln dollar Äzerbayjan halıqaralıq bankiniñ obligaciyaları üşin salınğanın aytqan bolatınbız. Bloomberg agenttiginiñ mälimetinşe, Äzerbayjannıñ halıqaralıq banki eldegi valyutalıq dağdarıs pen valyutanıñ jetispeuşiligine baylanıstı sırtqı qarızdarın töleudi toqtatqan jäne kredit beruşilermen kelissöz jürgizudi bastaydı.

Osıdan soñ Äzerbayjan biligi problemalı bankke salınğan qazaqstandıq zeynetaqı qarjısı qaytarılatının mälimdegen. Qarız Wlttıq qor qarajatınan qaytarıluı mümkin. Sondıqtan ministr «halıqaralıq bankke aqşa salğan BJZQ-ğa da , basqa da kompaniyalarğa da tönetin eş qauip joq» dep otır.

“The Qazaq Times”