Foto: Radio Azattık

Osıdan birneşe ay bwrın licenziyasınan ayırılğan Qazinvestbankte zeynetaqı qorınıñ äli de 1 mlrd 449 mln teñgesi bar. Salım 2019 jıldıñ 21 qazanında alınuı tiis eken. Osı jıldıñ 1 säuirindegi aqparat boyınşa Qazinvestbanktiñ depozitinde 1 mlrd 491 mln teñge ornalasqan, al ötken jıldıñ qañtar ayında bwl qarjı 2,9 mlrd teñge bolğan. Mwnday mälimetti Kapital.kz saytı keltirip otır. 

Qazinvestbanktiñ bankrot bolğanı jönindegi sottıñ qaşan bolatını äzirge belgisiz. BJZQ bolsa bwğan deyin Qazinvestbank depozitine  2,9 mlrd teñge memlekettik bağdarlama ayasında salınğanın aytadı.

«Wlttıq qordıñ basqaru jönindegi keñesi 200 mlrd teñge orta jäne şağın biznesti qoldau üşin bankterdi qarjılandıruğa jwmsalatının naqtılağan. 35 banktiñ 30-ın osı jüyege qatısuğa şaqırdıq. Qarjını bölu şartı bankterdiñ reytingine qaray 14−16,5% şamasında boldı. Kreditteu 3,5 jılğa eseptelgen. 6 bankke 6 ay işinde qarjını igeruge berdik", - dep tüsindiredi Wlttıq banktiñ monetarlı operaciyalar jönindegi departamenti direktorınıñ orınbasarı Nwrjan Twrsınhanov.

Sonday-aq, ol bölingen qarjığa monitoring jürgizu üşin "Damu" qorı şaqırılğanın aytadı. YAğni BJZQ atap ötkendey, 2016 jılğı 200 mlrd teñgeniñ 113 milliardı 15 bankti qarjılandıruğa jwmsalğan.

"Tağı aytamın, 200 mlrd teñgege qatıstı bağdarlama ükimettik. Bankter arqılı osı qarjımen orta jäne şağın biznesti qarjılandıru josparlanğan", - degen Nwrjan Twrsınhanov.

Al BJZQ bolsa Qazinvestbankke berilgen barlıq qarjı igerilgen deydi. "Zeynetaqı qorı Damudan mälimet aldı. 1 qazanda Qazinvestbankke bölingen 2,9 mlrd teñge kölemindegi qarjınıñ 99,9%-ı bank tarapınan igerilgen. YAğni 2016 jıldıñ 21 säuirinde bankke ornalastırğan bizdiñ qarjı tolığımen orta jäne şağın bizneske jwmsalğan. Sondıqtan biz qarjını ala almadıq, sebebi qarjı ekonomikanıñ  naqtı sektorına bağıttaldı», — dep atap ötti qor ökilderi.

Endi qordağılar eger bank  bankrot retinde tanılsa, onda  2,9 mlrd teñge öteledi dep otır.

“The Qazaq Times”