Koronavirus stacionarınıñ dälizi. Balalarğa arnalğan qalalıq klinikalıq jwqpalı aurular auruhanasınıñ modul'di filialı. 21 qırküyek 2021 jıl. Almatı qalası. Foto: QT / Kültegin Aspanwlı

Qazaqstanda koronavirus pen oğan wqsas pnevmoniyağa şaldıqqandar sanı tağı 1,4 mıñğa artıp, jalpı esebi 997 mıñnan asqan. Qazan ayında 34,5 mıñ nauqas anıqtalıp, 669 adam köz jwmğan. Bwl salıstırmalı türde bıltırğıdan aytarlıqtay joğarı.

Densaulıq saqtau ministrliginiñ resmi mälimetinşe, elde 18 qazanda koronavirus (KVI+) jwqqan 1387 adam, al 17-si küni  koronavirus pnevmoniyasına (KVI-) şaldıqqan 9 adam tirkeldi. Sonday-aq, ötken jeksenbide 53 qazaqstandıq aurudan qaytıs boldı. Osılayşa, apta basındağı epidkörsetkiş 22 mausımdağı deñgeyge tömendedi. Degenmen bıltır däl osı uaqıtta resmi statistikada täuligine köp degende 300-ge deyin nauqas jäne 10-ğa jeter-jetpes ölim jağdayı tirkeletin, stacionarlarda jatqan sırqattar sanı 3,5 mıñnan aspağan edi. Qazir bwl körsetkiş eselep ösip otır, büginde elde 52 mıñ adam (KVI+ boyınşa 45 mıñ, KVI- boyınşa 6,5 mıñ) auırıp jatır.

#COVID Ötken küni PTR testi arqılı koronavirus jwqqanı rastalğan nauqastar qatarı tağı arttı. Olardıñ basım böligi nemese 19%-ı ädettegidey joğarı dinamikada twrğan bir ğana Almatı (250) qalasına tiesili. Bir künde tirkelgen nauqastardıñ üşten bir böligi astana men Almatı qalasına jatadı. Auruşañdıq astana (149), Pavlodar (159), Qarağandı (148), SQO (128), Qostanay (103), ŞQO (85), Atırau (24), BQO (15), Aqtöbe (15), Türkistan (7), Qızılorda (14), Jambıl (13) oblıstarında tömendegeni bayqaladı. Tek Aqmola (126), Almatı oblısı (111), Şımkent (33), Mañğıstau (7) öñirlerinde azdap ösim bar. Düysenbide aurudan ayıqqan 1910 adam üyine şığarılğan. 17 qazanda jiını 46 adam qaytıs bolğan.

#COVID_pnevmoniyası mehanikalıq ädispen esepke alınatındıqtan, demalıs künderi medstatistika jüyesi tolıq qamtılmaydı. Saldarınan keyster qatarı senbi jäne jeksenbi, mereke künderi ädettegiden aytarlıqtay az tirkeledi. Qazannıñ 17-si aqparatı bir täulikke keşigip beriletin koronavirus pnevmoniyasına şaldıqqan 9 nauqas esepke alındı. Vedomstvo dereginşe, bwl küni ŞQO (5), Aqmola (2), Qostanay (1) jäne astanadan (1) anıqtalğan. Sonımen qosa, 33 adam ayığıp şıqqan, tağı 7 adam köz jwmğan.

#Jalpı  DenMin deregine qarağanda, emdelip jatqan 52 mıñ nauqastıñ 9 mıñı auruhanada, 43 mıñı ambulatorlıq baqılauda. 627 nauqastıñ jağdayı naşar, ondağı 168 adamnıñ häli öte auır. Bwdan özge 96 sırqat ökpeni jasandı jeldetu apparatımen tınıstap jatır.

Epidkartada «jasıl aymaqtağı» Şımkent, Türkistan, Aqtöbe, Mañğıstau, Qızılorda jäne Jambıl oblıstarınan basqa Qarağandı, BQO, ŞQO, Almatı, Atırau oblıstarı «sarı aymaqqa» ötken. Basqa 5 aymaq twtastay «qızıl aymaqta» twr.

DenMinniñ QT redakciyasına bergen mälimetinşe, indet tarağan 2020-2021 jıldarı PTR testi oñ körsetken 1407 sınama sekvenirlengen (ştamm türin anıqtaytın taldau). Säykesinşe, biıl köktem-jazda genomdıq zertteu nätijesinde eldiñ basım böliginen virustıñ braziliyalıq, britandıq, oñtüstikafrikalıq, ündistandıq jäne nigeriyalıq ştamdarı anıqtalğan.

Biılğı jaz mezgili qazaqstandıqtar üşin qaralı habarğa tolı boldı. Pandemiya bastalğalı 1,5 jıldıñ işinde anıqtalğan barlıq auruşañdıq pen ölim jağdayınıñ jartısı tek ötken jazda, törtinşi tolqında tirkeldi. Jazğı üş ayda bas-ayağı 420 mıñ adam auırsa, 6,6 mıñnan asa adam köz jwmdı. Qırküyek ayınıñ özinde 99 mıñday nauqas esepke alınğan jäne 2117 adam qaytıs bolğan. Al qazan ayında 34,5 mıñ auru jäne 616 ölim jağdayı tirkelgen.

Bıltır 13 naurızdan beri COVID-19 infekciyasın jwqtırğandar qatarı 919 mıñnan, 1 tamızdan bergi koronavirus pnevmoniyası 78 mıñnan asqan. DDSW derekqorı men Wlttıq statistikada Qazaqstanda auırğandar sanı 997 mıñğa jetken. Degenmen Ükimet koronavirus pen onıñ pnevmoniyasın eki bölek esepteydi.

Pandemiya bastalğalı jalpı virus jwqqandardan 19,8 mıñ adam (KVI+ / U07.1 – 11 797, KVI- / U07.2 – 4969, ilespe aurulardan – 3123) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingenderdi jalpı statistikağa engizbeydi. Bwğan qarsı sarapşılardıñ sözine qarağanda, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Qazaqstan virus taraluı boyınşa älemde Djons Hopkins universiteti jäne DDSW tizimindegi 221 el men aymaqtıñ arasında 37-orınğa ornıqtı.

Ükimettiñ soñğı deregine qarağanda, Qazaqstanda 7,1 mln adam koronavirusqa qarsı vakcinanı tolıq alğan, al keminde birinşi dozası egilgen jwrttıñ sanı 8 mln-nan asadı. Densaulıq saqtau ministri Aleksey Coy qaraşa ayınıñ üşinşi onkündiginen bastap vakcina alğanına jartı jıl ötkender üşin revakciyanaciya nauqanı jürgiziletinin mälimdedi.

The Qazaq Times