Qalalıq balalar klinikalıq jwqpalı aurular auruhanasınıñ modul'di filialındağı reanimaciya böliminde. 21 qırküyek 2021 jıl. Almatı qalası. Foto: QT / Kültegin Aspanwlı

Qazaqstanda koronavirus pen oğan wqsas pnevmoniyağa şaldıqqandar sanı tağı 2 mıñğa artıp, jalpı esebi 988 mıñnan asqan. Qazan ayınıñ özinde 25 mıñ nauqas anıqtalıp, 486 adam köz jwmğan. Bwl salıstırmalı türde bıltırğıdan aytarlıqtay joğarı.

Densaulıq saqtau ministrliginiñ resmi mälimetinşe, elde 13 qazanda koronavirus (KVI+) jwqqan 1985 adam, al 12-si küni  koronavirus pnevmoniyasına (KVI-) şaldıqqan 99 adam tirkeldi. Sonday-aq, ötken seysenbide 39 qazaqstandıq aurudan qaytıs boldı. Osılayşa, apta basındağı jağday mausım ayınıñ soñındağı deñgeyge tömendegeni bayqaladı. Degenmen bıltır däl osı uaqıtta resmi statistikada täuligine köp degende 300-ge deyin nauqas jäne 10-ğa jeter-jetpes ölim jağdayı tirkeletin, stacionarlarda jatqan sırqattar sanı 3,5 mıñnan aspağan edi. Qazir bwl körsetkiş eselep ösip otır, büginde elde 53 mıñ adam (KVI+ boyınşa 46 mıñ, KVI- boyınşa 7 mıñğa juıq) auırıp jatır.

#COVID Ötken küni PTR testi arqılı koronavirus jwqqanı rastalğan nauqastar qatarı tağı arttı. Olardıñ basım böligi nemese 17%-ı ädettegidey joğarı dinamikada twrğan bir ğana Almatı (350) qalasına tiesili. Bir künde tirkelgen nauqastardıñ üşten bir böligi astana men Almatı qalasına jatadı. Auruşañdıq astana (270), Qarağandı (163), Pavlodar (154), SQO (149), Almatı (142), ŞQO (135), Aqmola (120), Şımkent (81), Aqtöbe (78), BQO (66), Atırau (51), Türkistan (45), Qızılorda (42), Jambıl (35) öñirlerinde birşama artqan. Tek Qostanay (97), Mañğıstau (7) oblıstarında edäuir kemigen. Särsenbide aurudan ayıqqan 1895 adam üyine şığarılğan. 12 qazanda jiını 31 adam qaytıs bolğan.

#COVID_pnevmoniyası Qazannıñ 12-si aqparatı bir täulikke keşigip beriletin koronavirus pnevmoniyasına şaldıqqan 99 nauqas esepke alındı. Vedomstvo dereginşe, bwl küngi sırqattar Jambıl (16), ŞQO (15), Almatı oblısı (15), Şımkent (11), astana (8), Almatı qalası (6), Türkistanda (6) köptep anıqtalğan. Sonımen qosa, 191 adam ayığıp şıqqan, tağı 6 adam köz jwmğan.

#Jalpı  DenMin deregine qarağanda, emdelip jatqan 53 mıñ nauqastıñ 9 mıñı auruhanada, 44 mıñı ambulatorlıq baqılauda. 669 nauqastıñ jağdayı naşar, ondağı 194 adamnıñ häli öte auır. Bwdan özge 130 sırqat ökpeni jasandı jeldetu apparatımen tınıstap jatır.

Epidkartada «jasıl aymaqtağı» Şımkent, Türkistan, Mañğıstau, Atırau, Qızılorda, Aqtöbe jäne Jambıl oblıstarınan basqa Qostanay, Qarağandı, BQO, ŞQO, Almatı oblıstarı «sarı aymaqqa» ötken. Basqa 5 aymaq twtastay «qızıl aymaqta» twr.

DenMinniñ QT redakciyasına bergen mälimetinşe, indet tarağan 2020-2021 jıldarı PTR testi oñ körsetken 1407 sınama sekvenirlengen (ştamm türin anıqtaytın taldau). Säykesinşe, biıl köktem-jazda genomdıq zertteu nätijesinde eldiñ basım böliginen virustıñ braziliyalıq, britandıq, oñtüstikafrikalıq, ündistandıq jäne nigeriyalıq ştamdarı anıqtalğan.

Biılğı jaz mezgili qazaqstandıqtar üşin qaralı habarğa tolı boldı. Pandemiya bastalğalı 1,5 jıldıñ işinde anıqtalğan barlıq auruşañdıq pen ölim jağdayınıñ jartısı tek ötken jazda, törtinşi tolqında tirkeldi. Jazğı üş ayda bas-ayağı 420 mıñ adam auırsa, 6,6 mıñnan asa adam köz jwmdı. Qırküyek ayınıñ özinde 99 mıñday nauqas esepke alınğan jäne 2117 adam qaytıs bolğan. Al qazan ayında 25 mıñ auru jäne 486 ölim jağdayı tirkelgen.

Bıltır 13 naurızdan beri COVID-19 infekciyasın jwqtırğandar qatarı 911 mıñğa juıqtasa, 1 tamızdan bergi koronavirus pnevmoniyası 77 mıñnan asqan. DDSW derekqorı men Wlttıq statistikada Qazaqstanda auırğandar sanı 988 mıñğa jetken. Degenmen Ükimet koronavirus pen onıñ pnevmoniyasın eki bölek esepteydi.

Pandemiya bastalğalı jalpı virus jwqqandardan 19,7 mıñ adam (KVI+ / U07.1 – 11 644, KVI- / U07.2 – 4939, ilespe aurulardan – 3123) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingenderdi jalpı statistikağa engizbeydi. Bwğan qarsı sarapşılardıñ sözine qarağanda, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Qazaqstan virus taraluı boyınşa älemde Djons Hopkins universiteti jäne DDSW tizimindegi 221 el men aymaqtıñ arasında 37-orınğa ornıqtı.

Ükimettiñ soñğı deregine qarağanda, Qazaqstanda 7 mln adam koronavirusqa qarsı vakcinanı tolıq alğan, al keminde birinşi dozası egilgen jwrttıñ sanı 7,9 mln-nan asadı. Densaulıq saqtau ministri Aleksey Coy qaraşa ayınıñ üşinşi onkündiginen bastap vakcina alğanına jartı jıl ötkender üşin revakciyanaciya nauqanı jürgiziletinin mälimdedi.

The Qazaq Times