Däriger koronavirus pnevmoniyasına şaldıqqan jasöspirim balanıñ bilegine ine qoyıp jatır. Balalar qalalıq klinikalıq jwqpalı aurular auruhanası. 21 qırküyek 2021 jıl. Almatı qalası. Foto: QT / Kültegin Aspanwlı

Qazaqstanda koronavirus pen oğan wqsas pnevmoniyağa şaldıqqandar sanı tağı 1,7 mıñğa artıp, jalpı esebi 967 mıñğa juıqtağan. Ötken qırküyek ayında 99 mıñ adam auırıp, 2,1 mıñ adam köz jwmğan.

Densaulıq saqtau ministrliginiñ resmi mälimetinşe, elde 3 qazanda koronavirus (KVI+) jwqqan 1717 adam, al 2-si küni  koronavirus pnevmoniyasına (KVI-) şaldıqqan 46 adam tirkeldi. Sonday-aq, ötken senbide 37 qazaqstandıq aurudan qaytıs boldı. Bıltır däl osı uaqıtta resmi statistikada täuligine 300-ge deyin nauqas jäne 10-ğa jeter-jetpes ölim jağdayı tirkeletin, stacionarlarda jatqan sırqattar sanı 3,5 mıñnan aspaytın edi. Qazir bwl körsetkiş eselep ösip otır, büginde elde 59 mıñ adam (KVI+ boyınşa 51 mıñ, KVI- boyınşa 8 mıñ) auırıp jatır.

#COVID Ötken küni PTR testi arqılı koronavirus jwqqanı rastalğan nauqastar qatarı tağı arttı. Olardıñ basım böligi nemese 25%-ı ädettegidey joğarı dinamikada twrğan bir ğana Almatı (429) qalasına tiesili. Al astana (288), Qarağandı (179), Almatı (133), Pavlodar (122), Qostanay (107), ŞQO (100), SQO (72), Aqmola (53), BQO (51), Jambıl (47), Aqtöbe (38),  Şımkent (28), Türkistan (26), Atırau (23), Qızılorda (17), Mañğıstau (4) öñirlerinde birşama twraqtı. Jeksenbide aurudan ayıqqan 1913 adam üyine şığarılğan. 2 qazanda jiını 31 adam qaytıs bolğan.

#COVID_pnevmoniyası mehanikalıq ädispen esepke alınatındıqtan, demalıs künderi medstatistika jüyesi tolıq qamtılmaydı. Saldarınan keyster qatarı senbi jäne jeksenbi, mereke künderi ädettegiden aytarlıqtay az tirkeledi. Qazannıñ 2-si aqparatı bir täulikke keşigip beriletin koronavirus pnevmoniyasına şaldıqqan 46 nauqas esepke alındı. Vedomstvo dereginşe, bwl küni Şımkent (11), Almatı oblısı (8), ŞQO (5), Jambıl (5), Qarağandı (4) sırqattar köptep anıqtalğan. Sonımen qosa, 136 adam ayığıp şıqqan, tağı 6 adam köz jwmğan.

#Jalpı  DenMin deregine qarağanda, emdelip jatqan 59 mıñ nauqastıñ 10 mıñı auruhanada, 48 mıñı ambulatorlıq baqılauda. 765 nauqastıñ jağdayı naşar, ondağı 224 adamnıñ häli öte auır. Bwdan özge 144 sırqat ökpeni jasandı jeldetu apparatımen tınıstap jatır.

Epidkartada «jasıl aymaqtağı» Türkistan, Mañğıstau, Qızılorda jäne Jambıl oblıstarınan basqa Şımkent, Atırau, Aqtöbe, SQO, BQO, ŞQO, Aqmola, Almatı oblıstarı «sarı aymaqqa» ötken. Basqa 4 aymaq twtastay «qızıl aymaqta» twr.

DenMinniñ QT redakciyasına bergen mälimetinşe, 11 naurız ben 12 şilde aralığında PTR testi oñ körsetken 1311 sınama sekvenirlengen (ştamm türin anıqtaytın taldau). Säykesinşe, biıl köktem-jazda genomdıq zertteu nätijesinde eldiñ basım böliginen virustıñ braziliyalıq, britandıq, oñtüstikafrikalıq, ündistandıq jäne nigeriyalıq ştamdarı anıqtalğan.

Biılğı jaz mezgili qazaqstandıqtar üşin qaralı habarğa tolı boldı. Pandemiya bastalğalı 1,5 jıldıñ işinde anıqtalğan barlıq auruşañdıq pen ölim jağdayınıñ jartısı tek ötken jazda, törtinşi tolqında tirkeldi. Jazğı üş ayda bas-ayağı 420 mıñ adam auırsa, 6,6 mıñnan asa adam köz jwmdı. Qırküyek ayınıñ özinde 99 mıñday nauqas esepke alınğan jäne 2117 adam qaytıs bolğan.

Bıltır 13 naurızdan beri COVID-19 infekciyasın jwqtırğandar qatarı 892 mıñğa juıqtasa, 1 tamızdan bergi koronavirus pnevmoniyası 76 mıñnan asqan. DDSW derekqorı men Wlttıq statistikada Qazaqstanda auırğandar sanı 967 mıñğa juıqtağan. Degenmen Ükimet koronavirus pen onıñ pnevmoniyasın eki bölek esepteydi.

Pandemiya bastalğalı jalpı virus jwqqandardan 19,3 mıñ adam (KVI+ / U07.1 – 11 323, KVI- / U07.2 – 4856, ilespe aurulardan – 3123) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingenderdi jalpı statistikağa engizbeydi. Bwğan qarsı sarapşılardıñ sözine qarağanda, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Qazaqstan virus taraluı boyınşa älemde Djons Hopkins universiteti jäne DDSW tizimindegi 221 el men aymaqtıñ arasında 36-orınğa ornıqtı.

Ükimettiñ soñğı deregine qarağanda, Qazaqstanda 6,6 mln adam koronavirusqa qarsı vakcinanı tolıq alğan, al keminde birinşi dozası egilgen jwrttıñ sanı 7,7 mln-nan asadı.

The Qazaq Times