Jambıl oblısındağı äskeri qoymada bolğan jarılıs kezinen. Foto: aşıq derekköz

Jwma tañğı sağat 8.00-degi derek boyınşa, Jambıl oblısında bolğan joyqın jarılıstan auruhanağa jetkizilgen 66 adamnıñ 28 emdelip jatır. Onıñ altauınıñ jağdayı auır hälde. Tağı tört äskeri qızmetker oqiğa kezinde qaza tapqan.

Qorğanıs ministriniñ mälimdeuinşe, ört söndiru kezinde 4 äskeri qızmetker qaza tapqan. İz-tüssiz joğalğandar da bar. Bwl jöninde Ermekbaev alğaşqı resmi brifingte habarladı.

«Ört söndiru barısında 4 äskeri qızmetkerdiñ qaza tapqanına köñil aytamız. Jaralanğandardıñ tezirek sauığuın tileymiz» dedi qorğanıs ministri Nwrlan Ermekbaev.

Marqwmdar:

  • serjant Meşinbay Marat Saylauwlı, 40 jasta;
  • efreytor Janbolatov Ruslan Jürsinbaywlı, 40 jasta;
  • äskeri küzet qızmetkeri Dalibaev Orazbek Dayrabekwlı, 52 jasta;
  • oñtüstik öñirdiñ äskeri prokurorı Arman Qapezov.

QT redakciyası marqwmdardıñ otbası men tuıstarına qayğıra köñil aytadı.

Jarılıs toqtağanımen, ört äli tolıqtay söndirilmegen.

Travmatolog, neyrohirurg, hirurg, reanimatolog siyaqtı mamandardan twratın 32 däriger men 56 medqızmetker medicinalıq kömek körsetken. Oqiğağa baylanıstı jedel järdem qızmetiniñ 34 brigadası jäne aviaciya qızmetiniñ 3 brigadası jwmıldırılğan. Qazir uaqıtşa evakuaciyalıq punktterdi 171 twrğın panalap otır.

26 tamız keşkisin sağat 19.10 şamasında Jambıl oblısı Bayzaq audanında ornalasqan äskeri bölimniñ oq-däri qoymasınan ört şığıp, artı irili-wsaq ondağan jarılısqa wlasqan. Jüzdegen twrğınnıñ keybiri öz betinşe, tağı bir böligi qauipsizdik qızmetteriniñ kömegimen evakuaciyalanğan.

2019 jılğı 24 mausımda Arıs qalasında bolğan jarılısta da keyingi saldarın qosa eseptegende 5 adam köz jwmğan edi.

The Qazaq Times