Şınjañ. Foto: RFA.Org

Azat Aziya radiosı (RFA) saytınıñ habarına qarağanda, ötken aptada Qıtayğa qarastı Altay aymağındağı Qoğam amandığın basqaru jäne Altay aymaqtıq Lañkestikke qarsı twru qızmet gruppası birlikte «Jalpığa birdey lañkestik äreketterdi äşkerelegenderdi marapattau» habarlamasın taratqan. Bwl habarlama jergilikti BAQ qwraldarı arqılı keñ kölemdi nasihattalğan.

Azat Aziya radiosınıñ habarına süyensek, habarlama mazmwnı tömendegidey: «Altay aymağındağı ükimet organdarına jäne özge de mañızdı nısandarğa lañkestik şabuıl isterin aldın ala äşkerelegenderge 5 mln men 3 mln yuan (şamamen 225 – 135 mln teñge)  köleminde;  qwral nemese jarılğış zattar jasırğandardı mälimdegenderge ¥4 mln.; şekaradan kirgen nemese şıqqan terroristerdi anıqtağandarğa ¥3 mln,; şeteldik lañkester men lañkestik toptarğa qarjılay kömek körsetkenderdi mälimdegenderge 2 million yuan köleminde aqı tölenedi», – delingen.

Sonımen birge, lañkestik äreketterdi beyneleytin foto, video jazbalardı taratqandar, özgelerdi lañkestikke, wlttıq bölşekteuşilikke jeliktirgenderdi jäne zañsız avtokölikterdi satıp alu, satu, swyıltılğan gazdı alıp jüru, toptıq sporttıq qimıldarmen şwğıldanu qatarlı äreketterdi birden terrorlıq äreket retinde qaralıp, qatañ jazalau şarası jariyalanğan. Mwnday äreket pen jeke adamdardı äşkerelegenderge de mol sıyaqı tağayındağan.

AQŞ Kaliforniya universitetiniñ doktorı, professorı Jou Glendi Qıtay jergilikti ükimetiniñ jasap jatqan mwnday äreketteri şekten şıqqandıq jäne kisilik qwqıqtı taptağandıq dep sanaytındığın aytqan. Ol: «Qıtay ükimeti radikaldı islam terrorlıq äreketteri Şınjañda etek alıp, Päkistan, Auğanstanğa aynalıp ketpeuine tırısıp bağuda. Biraq, meniñ oyımşa, bwl jağdaydı tipti de naşarlatu bolıp sanaladı. Sebebi, wlttarğa qanşalıqtı qısım tüsirse, narazılıq sonşalıqtı küşeyedi. Oylap qarañız, qanşalıq qatañ baqılau bolsa da, eger bir adam jankeştilik jasaymın dese, qalay da bir amalın tabadı. Eger, Qıtay ükimeti qanday da bir terrorlıq äreketpen jüzdeskisi kelmese, onda halıqqa qısım jasauın toqtatuı kerek»,  – degen pikirin bildirgen.

The Qazaq Times