![](https://qazaqtimes.com/kk/content/uploads/2021/07/images-9-800x480.jpeg?token=d4f72cb5e5222020df06acb5d8f11660)
Türkimenstan prezidenti Gurbangulı Berdimwhamedov öziniñ 39 jastağı wlı Serdardı ekonomika jäne bank salası, halıqaralıq qarjı wyımdarımen jwmıs boyınşa vice-prem'er etip tağayındadı.
Wlın prezidenttikke aldın ala dayındap jatqan Berdimwhamedov ükimet otırısında memlekettik apparatta birneşe özgerister engizdi. Serdardı vice-prem'er retinde tağayındamas bwrın ol wlın Joğarğı baqılau palatası törağası jäne Memlekettik qauipsizdik keñesiniñ müşesi qızmetinen bosattı. Türkimenstannıñ resmi basılımdarı Serdardı «halıqtıñ wlı» retinde madaqtaydı.
Prezident jaña vice-prem'erdiñ mindetterine memlekettik jäne qoğamdıq – densaulıq saqtau, bilim beru, qarjı jäne ekonomika salaların cifrlandıru jäne innovaciyalıq tehnologiyalar endiru kiretinin ayttı.
61 jastağı Gurbangulı Berdimwhamedov Ortalıq Aziyadağı tabiği gazğa bay Türkimenstandı özine deyingi prezident Saparmwrat Niyazov qaytıs bolğan 2006 jıldıñ jeltoqsanınan beri basqarıp keledi. Türkimenstan biligin sınaytındar men qwqıq qorğauşılar Berdimwhamedovtiñ bilikke kelgeli özgeşe oylaytındardı qudalağanın jäne aytarlıqtay özgeris jasamağanın aytadı. Prezident Berdimwhamedovtiñ jalğız wlınan basqa üş qızı bar.
Al Serdardıñ sayasattağı mansabı 2016 jıldıñ soñında bastadı. Sol kezde ol Türkimenstan parlamentiniñ müşesi bolıp saylandı. Sonımen qatar eldiñ öndiris jäne qwrılıs ministri qızmetin atqarğan.