Qazaqstanda soñğı aptada koronavirus jwqtırğandar 39 payızğa köbeydi. Bwl turalı bügin, 29 mamırda densaulıq saqtau ministri Aleksey Coy mälimdedi.

Ministrlik keltirgen derekke qarağanda, nauqastardıñ 44 payızı Almatı men astananıñ ülesinde.

"Soñğı aptada koronavirusqa şaldıqqandardıñ 39 payızğa köbeygeni bayqaladı. 29 mausım küngi aqparat boyınşa, infekciyalıq orındardıñ - 27 payızı, reanimaciyadağı orındardıñ 24 payızı bos emes" dedi Coy.

Onıñ aytuınşa, astanada infekciyalıq stacionardağı orındardıñ – 65 payızı, reanimaciyadağı orındardıñ 74 payızı bos emes. Almatıda bwl körsetkiş 32-31 payızdı qwrap otır.

Ministrdiñ payımdauınşa, vakcinalau nauqanı koronavirus jwqtırğandar sanın eki esege azaytuğa mümkindik berdi.

"Vakcinalaudıñ tiimdiligi zertteldi. Säuir men mausım aralığında vakcina alğandardıñ 1,3 mln-nan 3,2 mln-ğa deyin ösuine oray, auru ösiminiñ eki esege azayğanı bayqaldı" dedi ministr.

Onıñ aytuınşa, qazir elde koronavirusqa qarsı vakcinanıñ 5,2 mln dozası paydalanılğan: 3 246 795 adam vakcinanıñ alğaşqı dozasın, 1 954 372 adam ekinşi dozasın alğan. Ol ekpe punkterinde vakcina jetkilikti ekenin jetkizdi.

"The Qazaq Times"