قازاقستاندا سوڭعى اپتادا كوروناۆيرۋس جۇقتىرعاندار 39 پايىزعا كوبەيدى. بۇل تۋرالى بۇگىن، 29 مامىردا دەنساۋلىق ساقتاۋ ءمينيسترى الەكسەي تسوي مالىمدەدى.

مينيسترلىك كەلتىرگەن دەرەككە قاراعاندا، ناۋقاستاردىڭ 44 پايىزى الماتى مەن استانانىڭ ۇلەسىندە.

"سوڭعى اپتادا كوروناۆيرۋسقا شالدىققانداردىڭ 39 پايىزعا كوبەيگەنى بايقالادى. 29 ماۋسىم كۇنگى اقپارات بويىنشا، ينفەكتسيالىق ورىنداردىڭ - 27 پايىزى، رەانيماتسياداعى ورىنداردىڭ 24 پايىزى بوس ەمەس" دەدى تسوي.

ونىڭ ايتۋىنشا، استانادا ينفەكتسيالىق ستاتسيونارداعى ورىنداردىڭ – 65 پايىزى، رەانيماتسياداعى ورىنداردىڭ 74 پايىزى بوس ەمەس. الماتىدا بۇل كورسەتكىش 32-31 پايىزدى قۇراپ وتىر.

ءمينيستردىڭ پايىمداۋىنشا، ۆاكتسينالاۋ ناۋقانى كوروناۆيرۋس جۇقتىرعاندار سانىن ەكى ەسەگە ازايتۋعا مۇمكىندىك بەردى.

"ۆاكتسينالاۋدىڭ تيىمدىلىگى زەرتتەلدى. ءساۋىر مەن ماۋسىم ارالىعىندا ۆاكتسينا العانداردىڭ 1,3 ملن-نان 3,2 ملن-عا دەيىن وسۋىنە وراي، اۋرۋ ءوسىمىنىڭ ەكى ەسەگە ازايعانى بايقالدى" دەدى مينيستر.

ونىڭ ايتۋىنشا، قازىر ەلدە كوروناۆيرۋسقا قارسى ۆاكتسينانىڭ 5,2 ملن دوزاسى پايدالانىلعان: 3 246 795 ادام ۆاكتسينانىڭ العاشقى دوزاسىن، 1 954 372 ادام ەكىنشى دوزاسىن العان. ول ەكپە پۋنكتەرىندە ۆاكتسينا جەتكىلىكتى ەكەنىن جەتكىزدى.

"The Qazaq Times"