Su basqan auıldar. Foto: centralasian.org

Qazaqstan İİM Tötenşe jağdaylar jönindegi komiteti birqatar oblıstar men qalalarda su tasqınınıñ aldın alu jwmıstarı jürip jatqanın habarladı. Respublika boyınşa 11 eldi-mekendegi 222 twrğın üydi, 269 aulanı, altı ğimarattı qızıl su basqan.

Qostanay oblısındağı Qarasu audanınıñ tört eldi-mekenin tasqın su basıp qaldı. Jüzge juıq adam köşirildi.

Aqtöbe oblısında Elek özeni arnasınan asıp, birqatar sayajay üyleri men aulalarğa su kirdi. Mwnda 300-ge juıq adam köşirildi. Eki orta mektepte 12 evakuaciyalıq punk aşıldı, 53 adam osında ornalastırıldı, 240-tan astam adam tuıstarınıñ üylerin panaladı.

Aqmola oblısınıñ Atbasar qalasında su basu qauipi küşeydi, soğan baylanıstı mwnda 150-ge juıq adam köşirildi. Astana qalasında birneşe köşeni su basuı mümkin. Jergilikti bilik qalanıñ kommunaldıq qızmetteri küşeytilgen rejimde jwmıs istep jatqanın habarladı.

Qarağandı oblısında şamamen 1,5 mıñ adam köşirilgen.

“The Qazaq Times”