ەلدە سۋ تاسقىنى تولاستاماي تۇر

قازاقستان ءىىم تءوتەنشە جاعدايلار جءونىندەگى كوميتەتى ءبىرقاتار وبلىستار مەن قالالاردا سۋ تاسقىنىنىڭ الدىن الۋ جۇمىستارى جءۇءرىپ جاتقانىن حابارلادى. رەسپۋبليكا بويىنشا 11 ەلدى-مەكەندەگى 222 تۇرعىن ءۇءيدى، 269 اۋلانى، التى عيماراتتى قىزىل سۋ باسقان.

قوستاناي وبلىسىنداعى قاراسۋ اۋدانىنىڭ ءتورت ەلدى-مەكەنىن تاسقىن سۋ باسىپ قالدى. جۇزگە جۋىق ادام كوشىرىلدى.

اقتوبە وبلىسىندا ەلەك وزەنى ارناسىنان اسىپ، بىرقاتار ساياجاي ۇيلەرى مەن اۋلالارعا سۋ كىردى. مۇندا 300-گە جۋىق ادام كوشىرىلدى. ەكى ورتا مەكتەپتە 12 ەۆاكۋاتسيالىق پۋنك اشىلدى، 53 ادام وسىندا ورنالاستىرىلدى، 240-تان استام ادام تۋىستارىنىڭ ۇيلەرىن پانالادى.

اقمولا وبلىسىنىڭ اتباسار قالاسىندا سۋ باسۋ قاۋىپى كۇشەيدى، سوعان بايلانىستى مۇندا 150-گە جۋىق ادام كوشىرىلدى. استانا قالاسىندا بىرنەشە كوشەنى سۋ باسۋى مۇمكىن. جەرگىلىكتى بيلىك قالانىڭ كوممۋنالدىق قىزمەتتەرى كۇشەيتىلگەن رەجيمدە جۇمىس ىستەپ جاتقانىن حابارلادى.

قاراعاندى وبلىسىندا شامامەن 1,5 مىڭ ادام كوشىرىلگەن.

“The Qazaq Times”