Foto: cdn.tvc

Euroodaq pen Mäskeu arasındağı qarım-qatınas soñğı aptalarda şielenisip ketti. Osığan baylanıstı ötken Europarlament jiınında Aleksey Naval'nıy isi, Resey-Ukraina şekarasındağı jağday men 2014 jılı Çehiyadağı oq-däriler qoymalarındağı jarılıs talqılandı.

EO-nıñ sırtqı sayasat jönindegi Joğarğı ökili Jozep Borrel' Reseyde adam qwqıqtarı men bostandığı ülken mäsele ekenin ayttı. Sonımen qatar odaqqa müşe elderdiñ basşıları Naval'nıydı bosatudı talap etti. Endi bwl isti Europanıñ Adam qwqıqtarı jönindegi sotı kezekten tıs qaramaq.

Halıqaralıq organ Resey ükimetine oppozicionerdiñ türmede qwqıqtarınıñ saqtaluı jäne oğan körsetilip jatqan medicinalıq qızmettiñ sapasına qatıstı swraqtar joldağan. Saualğa Resey biligi 12 şildege deyin jauap berui tiis

Kreml' sınşısı Aleksey Naval'nıy 31 naurızdan beri aştıq jariyalap, densaulığı naşarlağan. Ötken aptada Pokrovadağı türmeden sottalğandarğa arnalğan oblıstıq auruhanağa auıstırıldı. Bwğan deyin Naval'nıydı emdegen därigerler onıñ qan analiziniñ qorıtındısın jariyalap, däriger Anastasiya Vasil'eva nauqastıñ jüregi toqtap qaluı mümkin dep eskertken. Naurızdıñ soñında mıñnan astam däriger bilikke aşıq hat jazıp, sayasatkerge täuelsiz därigerdi kirgizuge şaqırğan.

Euroodaq diskussiyasınıñ ekinşi taqırıbı – Ukraina men Resey baylanısı. Ukraina şığısta reseyşil separatistermen küresip jatır. 2014 jılı köktemde Resey Qırım tübegin basıp alğannan keyin Donbasta qarulı qaqtığıs bastalğan. Keyingi aptalarda Ukraina şığısı men Qırımda Resey äskeriniñ köbeyui Kiev pen Batıs elderiniñ alañdauşılığın tuğızğan. 23 säuirde Mäskeu Ukrainamen şekara mañınan äskerin äkete bastağan.

27 säuirde Resey qorğanıs ministri Sergey Şoygu Ukrainamen şekara mañınan äsker äketu turalı şeşimge Batıs qısımı äser etken joq dep mälimdedi. Mäskeu qorğanıstı nığaytu üşin qoldan kelgenniñ bärin jasaydı dedi ol. Ministr sonımen birge Reseyge jaqın aumaqqa NATO küşteriniñ şoğırlanuına da alañdauşılıq bildirgen.

Resey Ukrainanıñ Qırım tübegin 2014 jılı naurızda zañsız anneksiyalap alıp, tübektegi äskeri äleuetin küşeyte bastağan. 2014 jılı kök'temde Ukrainanıñ şığısındağı Doneck jäne Lugansk oblıstarında reseyşil separatister men ükimet äskeri arasında qaqtığıs bastalğan. Ukraina men Batıs elderi Mäskeudi separatisterge qoldau körsetip otır dep ayıptaydı. Biraq Kreml' mwnı joqqa şığaradı. Alayda, 2016 jılı qaraşada Halıqaralıq qılmıstıq sot Ukraina şığısındağı qaqtığıstı «Ukraina men Resey arasındağı halıqaralıq qarulı qaqtığıs» dep tanığan. Amerika men Euroodaq elderi Qırımdı Resey jeri retinde moyındağan emes.

Batıs elderi men Resey baylanısı soñğı kezderi bwrınğıdan da uşığa bastadı. 17 säuirde Çehiya äskeri qaru-jaraq qoymasındağı 2014 jılğı jarılısqa Resey barlau qızmetiniñ qatısı boluı mümkin dep, Resey elşiliginiñ 18 qızmetkerin eline qaytaru turalı şeşim qabıldadı. Euroodaq ökilderi eger Resey adam qwqıqtarı mäselesi men sırtqı sayasatta agressiyalıq bağıt wstanuın doğarmasa, jağday tipten şielenisedi degen pessimistik közqaras tanıttı.

"The Qazaq Times"