Bondarev hatında RF prezidenti men SİM basşısın qattı sınğa aldı. Foto: Ukrainskaya Novisti

BWW-nıñ reseylik diplomat Boris Bondarevtiñ Ukrainadağı soğıstı ayıptauı älem aqparat qwraldarınıñ nazarın audardı. Bondarev soğıstı «Puinniñ Ukrainağa jasağan soğısı» jäne ol «ukraina men orıs eline qarsı jasalğan qılmıs» dep mälimdegen bolatın.

Boris Bondarev öz wstanımın hat arqılı jariyalağan. Onıñ bwl äreketi endi Kreml' jağınan «satqındıq» qatarı bağalanatını anıq. Degenmen, BWW-dağı diplomatiyalıq qızmetinen bas tartqan Bondarev öziniñ közqarasında tabandı ekenin bildirdi, äri ol öziniñ äriptesterine «qandı, mağınasız, qajetsiz jäne wyat iske bwdan arı aralasa almaytının bildirgen». Osılayşa ol öziniñ 20 jıldıq diplomatiyalıq kar'erasınan bas tartqan.

Reseydiñ özinde Ukrainadağı soğıstı «soğıs» dep atauğa tıyım salınğan, memlekettik aqparat qwraldarı  bwl tek «arnayı äskeri operaciya» dep ataydı. Batıs aqparat qwraldarı bolsa, Ukrainadağı jağdayğa baylanıstı «Batıs älemi Mäskeu biligin qıspaqqa alğan kezde, Putin el işinde şındıqqa qarsı soğıs aştı» dep sipattap jatır.

Sarapşılardıñ pikirinşe, Reseydiñ şeneunikteri arasında mwnday qadam jasau tım sirek, degenmen bwnıñ asa auqımdı ıqpalı bar. Putin rejiminiñ Ukrainadğı soğıs turalı bwrmalağan mälimdemelerine qaramastan türli faktiler Reseyde soğısqa qarsı azamattar men resmi twlğalardıñ bar ekenin bildiredi.

The Qazaq Times