Onlayn-bayqau jariyalandı. Foto: "Mädeniet" portalınan.

QR Täuelsizdiginiñ 30 jıldığına oray Qarağandı oblısı äkimdigi mädeniet, arhivter jäne qwjattama basqarmasınıñ qoldauımen «Mädeniet portalı» aqparattıq agenttiginde twñğış ret ötkizip jatqan «Täuelsizdik: Söz ben Suret» attı aqındar men suretşiler arasındağı respublikalıq onlayn-bayqauı jariyalandı. Onlayn-bayqaudıñ jülde qorı - 7 600 000 teñge. 

Bwğan deyin elimizde bolmağan bwl mega jobanıñ negizi maqsatı – Respublikadağı suretşiler men aqındardıñ şığarmaların nasihattau häm tanıtu, olardıñ tuındıları arqılı Qarağandı oblısınıñ tarihi twlğaların, mädeni eskertkişterin, sakraldı orındarın, tabiğatın, Täuelsizdik kezeñinde ölşeusiz üles qosqan twlğalardıñ esimin asqaqtatu, poeziya men suret öneriniñ ündestigin bağalau äri bağamdau, oqırman qauımnıñ moderndik ortasın qalıptastıru.

Bayqaudıñ erekşeligi – öner sayısına qatısuşı aqındar men suretşilerdiñ jas erekşeligine şekteu qoyılmaydı, yağni kez-kelgen jastağı şığarmaşılıq twlğa qatısa aladı.

Onlayn-bayqau qazaq jäne orıs tilinde ötedi. Bayqauğa respublikanıñ barlıq oblıstarı pen megapolisterindegi suretşiler men aqındar şığarmaların «Mädeniet portalına» onlayn türde öz qolımen tirkey aladı. Ol üşin ümitkerler «Mädeniet portalına» tirkelip, bwrın eş jerde jariyalanbağan, konkursqa wsınılğan şığarmaları men jeke mälimetterin portalda körsetilgen «Şığarmanı qosu» batırması arqılı ornalastıra aladı. Sonımen qatar onlayn-bayqaudıñ basqa da şarttarın «Mädeniet portalındağı» Erejesinen oqıp aluğa boladı.

«Täuelsizdik: Söz ben Suret» attı aqındar men suretşiler arasındağı respublikalıq onlayn-bayqauı ayasında jeñimpaz Aqındardıñ öleñderi qazaq, orıs jäne ağılşın tilderine audarılıp, Suretşilerdiñ kartinalarımen birge arnayı al'bom dayındaladı. Jeñimpazdardıñ şığarmalarınan qwralğan atalmış al'bom ağılşın jäne orıs tildi memleketterdiñ wlttıq kitaphanalarına joldanadı. Mwnımen qosa al'bom arnayı tüsirilgen beynerolikterge silteme berilgen QR-kodtarmen jarıq körmek.

Onlayn-bayqau 2 kezeñmen ötedi: 1-kezeñ – Suretşiler üşin; 2-kezeñ –Aqındar üşin. Bayqaudıñ Suretşilerge arnalğan 1-kezeñi 20.04.2021 – 20.06.2021 aralığında ötedi. Jeñimpaz 8 suretşi anıqtalıp, üzdik 8 kartina aşıq jariyalanadı. 26.06.2021 – 26.07.2021 aralığında ötetin bayqaudıñ Aqındarğa arnalğan 2-kezeñinde üzdik 8 surettiñ bireuin tañdap, sol suret turalı 1 poeziyalıq şığarmasın (öleñin) joldau arqılı qatısa aladı.

Jeñimpazdardıñ jüldeleri tömendegidey tabıs etiledi:

  • Eki Bas jülde /aqın men suretşiniñ ärqaysısına/ teñ bölinedi – 2 000 000 tg
  • Eki İ orın /aqın men suretşiniñ ärqaysısına/ teñ bölinedi – 1 600 000 tg
  • Tört İİ orın /aqın men suretşiniñ ärqaysısına/ teñ bölinedi – 2 000 000 tg
  • Altı İİİ orın /aqın men suretşiniñ ärqaysısına/ teñ bölinedi – 1 800 000 tg
  • Eki ıntalandıru sıylığı /aqın men suretşiniñ ärqaysısına/ teñ bölinedi – 200 000 tg

“The Qazaq Times”