Qızılorda qalasında ornalasqan 5547 äskeri bölimi sarbazdarı.

«Qazaqstan Respublikasın qorğau – onıñ ärbir azamatınıñ qasietti parızı men mindeti» - dep Ata Zañda körsetilgendey, tuğan jwrtın süyu, Otanına qaltqısız qızmet etu ärbir el azamatınıñ qasietti borışı.

  Er adamdardıñ jastayınan äskeri formağa qızığıp, 18 jasqa tolısımen Otan aldındağı borışın öteuge asığatını babalarımızdan qalğan batırlıq joldıñ ülgisindey.

Bügingi tañda öskeleñ wrpaqtıñ boyınan  Otanğa adal qızmet etu, onıñ qauipsizdigin közdiñ qaraşığınday saqtau, eñ qımbat qazınamız – Täuelsizdigimizdi qorğau,  ar-namıstı biik wstau, wltın süyu sekildi patriottıqqa baulitın qasietti wğımdar jete tanıluda. Sonıñ arqasında qazirgi uaqıtta äskerge şaqıruşılardıñ qatarı ösude.

Bügingi küni Qazaqstan Respublikası Wlttıq wlan äskeriniñ qatarında qızmet etkisi keletin jastar legi köp. Birqatarı äskeri borıştarın ötep te jür. Barlığınıñ jürekterindegi ayqın maqsat bir, ol – Otanın qorğau, bergen äskeri Anttarına adal bolu.

Wlttıq wlannıñ Qızılorda qalasında ornalasqan 5547 äskeri böliminde de elimizdiñ tükpir-tükpirinen şaqırılğan sarbazdar äskeri borıştarın öteude. Olar qala köşelerindegi qoğamdıq tärtip pen qauipsizdikti qamtamasız etu, tüzeu mekemelerin küzetu men sottalğandardı aydauıldau sekildi özderine senip tapsırılğan mindetterdi abıroymen atqaruda.

Qızılorda qalasında ornalasqan 5547 äskeri bölimi sarbazdarı.

Äskerde tek jauıngerlik qızmet qana emes, onda da ömir bar, öziniñ qızıqtarı bar. Sarbazdar jauıngerlik qızmetten bos uaqıtta sportpen şwğıldanadı, kitaptar oqidı, odan bölek türli is-şaralardı wyımdastıruğa qatısadı. Sonıñ bir ayğağı retinde sarbazdardıñ äskerde atalıp ötiletin tuğan künderin atap ötuge boladı.

5547 äskeri böliminde sarbazdardıñ tuğan künderi esten ketpestey erekşe atalıp ötiledi. Är aydıñ soñında «Sarbaz, bügin seniñ tuğan küniñ!» atauımen tuğan kün ielerine arnalıp koncerttik bağdarlamalar qoyılıp, artınan dastarhan jayıladı. Juırda osınday merekelik is-şaranıñ kuäsi boldıq.

Adamzat ömirinde onıñ köñiline säl bolsa da quanış sıylau keyde baqıt bolıp tabılatınday. Bügingi küni ötken is-şarada sarbazdardıñ jüzinen biz sonı anıq bayqadıq. Bwl is-şarağa Wlttıq wlannıñ «Oñtüstik» öñirlik qolbasşılığı qolbasşısınıñ tärbie jäne äleumettik-qwqıqtıq jwmıstarı jönindegi orınbasarı polkovnik Sabırjan Süleymenov arnayı kelip qatısıp,  bölimde öz deñgeyinde ötken merekelik is-şarağa oñ bağasın berip, tuğan kün ielerine igi tilekterin aytıp qwttıqtauın joldadı.  Ol: «Qwrmetti jauıngerler, sizder wlt maqtanışısızdar, elimizdiñ aybındı äskeri Wlttıq wlannıñ qauipsizdik qalqanısızdar. Otandı qorğau ärqaşan abıroy bolıp sanalğan, erteñgi küni el şetine jau tise, etigimen su keşuge äzir osınday jalındı sarbazdar barda Otanımızdıñ, Mäñgilik Elimizdiñ Tuı eşqaşan tömendemek emes!» dep sözin tüyindedi.

«Eldiñ erteñin bilgiñ kelse, onıñ jastarına qara»,- degen wlağattı söz bar. Söz joq, osınday is-şaralar el erteñi – jastarımızdıñ, yağni sarbazdar boyında otanşıldıq ruhtı örkendete bereri, nätijesinde Otan dese ör minezdi, qayrattı azamattarımızdıñ qatarın köbeytuge birden-bir septigin tigizetindigi sözsiz.

Aydos Bayşağırov,  Wlttıq wlannıñ «Oñtüstik» öñirlik qolbasşılığı

“The Qazaq Times”