N.Nälibaev. Foto: baribar.kz

Qazaqstan prem'er-ministriniñ ökimimen Qızılorda qalasınıñ äkimi Nwrlıbek Nälibaev prem'er-ministri keñsesiniñ öñirlik damu böliminiñ meñgeruşisi lauazımına tağayındaladı. Bwl aqparattı 2 säuirde prem'er-ministrdiñ baspasöz qızmeti habarladı. 

Nälibaev 2013 jıldan beri Qızılorda qalasınıñ äkimi qızmetin atqarğan. Äkimdik qızmetten bosatılğanı bügin belgili boldı. Onıñ orınına Qızılorda qalasına kim äkim bolğanı äli belgisiz.

44 jastağı Nwrlıbek Nälibaev —  birneşe ret türli ministrlikti, oblıstı basqarğan, qazir Jambıl oblısınıñ äkimi qızmetin atqarıp jatqan Berdibek Saparbaevtıñ tuğan inisi. Ol Qazaq memlekettik agrarlıq universitetin, Qazaq gumanitarlıq zañ universitetin bitirgen.  2005–2007 jıldarı — Qızılorda qalası äkiminiñ orınbasarı, birinşi orınbasarı qızmetin,   2007-2008 jıldarı  Qızılorda oblısı äkimi apparatınıñ basşısı qızmetin atqarğan.  2008-2013 jıldarı Qızılorda oblısı, Şieli audanınıñ,  2013-2021 jıldarı  Qızılorda qalasınıñ äkimi bolğan.

«The Qazaq Times»