Densaulıq saqtau ministrliginiñ resmi mälimetinşe, elde 31 naurız koronavirus jwqqan 1873 adam, al 30-ı küni koronavirus pnevmoniyasına şaldıqqan 93 adam tirkeldi. Qazir elde 25 mıñnan asa adam (U07.1 nemese KVI+ boyınşa 23 481, U07.2 nemese KVI- boyınşa 1675) auırıp jatır.

#U07.1 PTR testi arqılı koronavirus jwqqanı rastalğan nauqastardıñ jartısınan astamı Almatı qalası (515) men astanada (512) tirkeldi. Odan keyingi qatarda eñ köbi – Almatı oblısı (220), BQO (98), Qarağandı (95), Aqtöbe (86), Atırau (75) öñirleri jäne Şımkentte (51). Ötken täulikte aurudan ayıqqan 1219 adam üyine jiberilgen. Bwdan özge seysenbi küni, anığı naurızdıñ 30-ı jiını 14 adam qaytıs bolğan.

#U07.2 30 naurız aqparatı bir täulikke keşigip beriletin koronavirus pnevmoniyasına şaldıqqan 93 nauqas esepke alındı.  Vedomstvo dereginşe, Almatı oblısı (15) men qalası (12), Aqmola (9), Jambıl (9), Aqtöbe (8), Atırau (8) öñirinde jäne astanada (7) tirkelgen. Sonımen qosa, 215 adam ayığıp şıqqan, ökiniştisi 4 adam köz jwmğan.

#Jalpı  DenMin-niñ resmi mälimetinşe, emdelip jatqan 25 156 nauqastıñ 8590-ı auruhanada, 16 566-sı ambulatorlıq baqılauda. Ahualı naşar 348 nauqastıñ jağdayı qiın, ondağı 83 adamnıñ häli öte auır. Bwdan özge 52 sırqat ökpeni jasandı jeldetu apparatımen tınıstap jatır.

Osılayşa äzirge virustıñ taralu qateri jağınan Qarağandı jäne  Şımkent «sarı», al Atırau, BQO, Aqtöbe, Almatı oblıstarı, Almatı qalası men astana «qızıl aymaqta» twr.

Ay bastalğalı bir ğana Almatı qalasında 9,5 mıñnan asa nauqas tirkelip ülgerdi. Qalada naurız ayınıñ alğaşqı dekadasında täuligine jüzden kem emes jağday tirkeldi, 10-ınan beri bwl san eselenip ösude. Osığan deyin bas sanitar Bekşin bir künde auruhanağa 500-den asa nauqas tüser bolsa, tolıq lokdaun engiziletinin eskertken. 21 naurızdan bastap qatañdatılğan karantin rejimi 12 säuirge deyin wzartıldı.

Sonday-aq, sırqattar köbeygen aymaqtar qatarında astana (6067) jäne Almatı (2855), Qarağandı (2306), BQO (1963), Aqmola (1728), Pavlodar (1528), Atırau (1522), Qostanay (1471) oblıstarı bar. Osı sebepti astana men Almatıda karantin şarası küşeytilip, demalıs künderi birqatar nısandardıñ jwmısına tıyım salınıp, qoğamdıq kölikterdiñ grafigi şekteldi.

Naurız ayında jalpı 34,7 mıñ (KVI+ 33 423, KVI- 1311) keys anıqtalğan.

Resmi aqparatqa süyensek, jıl bastalğalı naurız ayında ölim körsetkişi de eleuli ösken. 1-i men 30-ı aralığında 352 adam (KVI+ 288, KVI- 64) köz jwmğan.

Keybir sarapşılar halıqaralıq äue reysterin jii qabıldaytın Almatı qalasındağı jağdaydıñ birden uşığuın şetelden jaña ştamm kelgen boluı mümkin dep boljağan. Aleksey Coy men Jandarbek Bekşin genomdıq zertteu nätijesinde britandıq jäne oñtüstikafrikalıq ştamdar naqtı tirkelgenin mälimdedi. Keyinnen şeteldik ştamdar eldiñ 13 aymağınan anıqtalğanı aytıldı.

Elde qañtar ayınıñ ekinşi jäne aqpan ayınıñ alğaşqı jartısında nauqastar qatarı kürt köbeygen. Aqpan ayınıñ ekinşi jartısında birşama kemigen edi, dese de naurızda qayta arttı.

Bıltır qıs tüser twsta bas memlekettik sanitar-däriger Erlan Qiyasov Qazaqstanda kezekti tolqınınıñ şarıqtau kezeñi qañtar-aqpan aylarına, al ministr Aleksey Coy naurız ayınıñ soñına qaray twspa-tws keletinin mälimdegen. Aqpan ayınıñ basında Coydıñ birinşi vice-ministri Marat Şoranov säuir ayında 20 mıñğa tarta adam COVID-19 dertin jwqtıruı mümkin degen. Degenmen ötken aylarda keminde 20 mıñ jağday tirkelgeni sebepti bwl cifr Qazaqstanğa aytarlıqtay jañalıq emes. Naurız ayınıñ ortasında ministr Coy säuir ayında täuligine 500 ben 1700 aralığında nauqas tirkelui mümkin ekenin eskertti. Qazär täuligine 1,5 mıñnan joğarı jağday tirkelip jatır.

Jalpı ötken qısta 88 mıñğa juıq adamnan auru anıqtalğan. Toqsan künge sozılğan qıs mezgilinde auırğandardıñ 81 mıñnan astamı koronavirus, qalğan 6,8 mıñı pnevmoniya pacientteri. Jeltoqsan jäne aqpan ayları aralığındağı barlıq körsetkişterdi qorıtındı materialdan bile alasız. SOnımen qosa, apta basında sanitarlıq-epidemiologiyalıq baqılau komitetiniñ törağası Ayjan Esmağambetova biıl qañtar jäne naurız aylarında 729 mıñ adam JRVI aurularımen auırğanın habarladı. Bwl bıltırğa qarağanda 2,4 esege kem.

Osığan deyin aqparat ministrliginiñ coronavirus2020.kz saytı men Densaulıq saqtau ministrliginiñ media resurstarında jariyalanğan derekter birneşe aydan beri qate berilip kelgeni jaylı materialdar jariyalap, aqparat qwraldarına eskertkenbiz.
(!) Pandemiya moderatorı – ministrlik tek senbi-jeksenbide ğana emes, mereke künderi de statistikanı tolıqtay jürgizuge qauqarsız. Mäselen, jeltoqsan ayınıñ 1, 16, 17, 18-i jäne 19-ına, 1-4, 7 qañtar, 8, 21-24 naurızğa tiesili derekter eselep kemigen. Küzdiñ ortasında sol kezdegi DenMin-niñ resmi-erikti ökili Bağdat Qojahmetov ekinşi tolqında demalıs künine qaramastan statistikanı tolıq kölemde jürgizuge uäde bergen edi. Biraq is jüzinde olay bolmay şıqtı. 

Bıltır 13 naurızdan beri COVID-19 infekciyasın jwqtırğandar qatarı 247 mıñğa juıqtasa, 1 tamızdan bılayğı koronavirus pnevmoniyası 50,5 mıñnan asqan. DDSW derekqorı men Wlttıq statistikada Qazaqstanda auırğandar sanı 297,4 mıñğa jetken. Degenmen Ükimet koronavirus pen onıñ pnevmoniyasın eki bölek esepteydi.

Pandemiya bastalğalı jalpı virus jwqqandardıñ 5371-i (KVI+ / U07.1 – 3060, KVI- / U07.2 – 692, ilespe aurulardan – 1619) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingen 1619 adamdı jalpı statistikağa engizbeydi. Bwğan qarsı sarapşılardıñ sözine qarağanda, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan. Eskerer jayt, ministrlik KVI- statistikasın esepke almas bwrın jıldağıdan üş esege ösken pnevmoniyanıñ 256 mıñ jağdayınan (qañtar-şilde aralığındağı) koronavirustıq türin anıqtap-zertteuden bas tartqan. Sarapşılar osı keysti zerdelegen jağdayda şınayı esep qazirgiden äldeqayda köp boların alğa tartadı. Demek joğarıdağı san da naqtı bolmauı mümkin.

Qazaqstan virus taraluı boyınşa älemde Worldometers derekqorı, Djons Hopkins universiteti jäne DDSW tizimindegi 221 el men aymaqtıñ arasında 49-orında twr.

Ötken qıs mezgilinde redakciya prezident Toqaev birneşe ret sınasa da özgere qoymağan resmi statistikadağı kemşilikterdi tüzetuge mwrındıq boldı. Ministrlik ökilderi jäne esep jürgizuşi mamandarımen aptalap aytısuğa tura keldi.

Osı uaqıtqa deyin KVI+ diagnozı boyınşa jaña anıqtalğan nauqastar aymaqtardağı körsetkişi kündelikti, al KVI- deregi tek jiıntıq mände berilip kelgen.
Ministrlik redakciya talabınan keyin statistikadağı kemşilikti moyındap, 26 jeltoqsannan beri resmi habarlamada pnevmoniyanıñ bir täulikke keşigip jariyalanatının rastap merzimin körsetetin boldı. 2 aqpannan koronavirus pnevmoniyası anıqtalğan nauqastardıñ aymaqtardağı körsetkişi qosa kündelikti berile bastadı. Al aqpannıñ 18-i koronavirus pen onıñ pnevmoniyasınan qaytıs bolğandardıñ esebin kün sayın jariyalauğa köşti. Biraq soñğı statistikada merzim jağınan qayşılıq bayqaldı. Redakciya mwnı da ministrlikke birneşe märte eskertuge mäjbür boldı. Osılayşa KVI+ pen KVI- dignozınan köz jwmğandardıñ tirkelgen küni erteñine emes, bir künnen keyin jariyalanıp kelgeni belgili boldı. Qate degenimiz – aqparat qwraldarı kündelikti statistikanıñ naqtı bolmauınan koronavirustan qaytqandardı ötken künge telip habarlauğa mäjbür bolğan. 26 aqpan osı uaqıtqa deyin koronavirustıñ rastalğan türinen «ötken küni» qaytıs boldı delingen qate aqparat tüzetilip, «aldıñğı täulik» retinde körsetile bastadı. Resmi mälimetke süyensek, Qazaqstan Ükimeti tek PTR arqılı rastalğan derekterdi uaqıtılı jariyalaydı, al qalğan negizgi körsetkişter (yağni, pnevmoniyağa şaldıqqandar, koronavirus pen pnevmoniyadan qaytıs bolğan adamdar sanı – QT) bir täulikke keşigip beriledi. Bwğan densaulıq saqtau salasındağı aqparattıq jüyeniñ jetilmeui sebep.

Ükimettiñ 31 naurızdağı resmi mälimetine qarağanda, Qazaqstanda 137 mıñ adam koronavirusqa qarsı  reseylik «Sputnik V» vakcinasınıñ alğaşqı dozasın alğan.

"The Qazaq Times"