Foto: cdn.com

BWW öz baqılauşıların Şıñjañğa jiberu üşin Qıtay biligimen kelissözder jürgizip jatır. Bwl turalı BWW Bas hatşısı Antonio Guterriş CBS arnasındağı eksklyuzivti swhbatında ayttı.

Qıtay Şıñjañda lager'ler aşıp, oğan wyğır, qazaq jäne basqa da mwsılmandardı qamap jatqanı jaylı aqparat 2017 jılı taray bastağan. 2018 jıldıñ tamızında BWW Adam qwqıqtarı jönindegi Joğarğı Komissar basqarmasınıñ ökilderi Şıñjañdağı tüzetu lagerlerinde 1 mln-ğa juıq mwsılmanjardıñ zañsız wstalğanın jäne adam qwqıqtarınıñ taptalğanın mälimdedi. Basqarma bwl jağdayğa alañdauşılıq bildirip, osı aymaqqa baqılauşılar jiberudi wsındı.

Qıtay biligi Şıñjañda penitenciarlıq mekemelerdiñ auqımdı jelisin qwru turalı aqparattı birneşe ret joqqa şığardı. Sonımen qatar, 2018 jıldıñ soñında olar öñirde bilim beru jäne käsiptik dayarlau ortalıqtarı jwmıs isteytinin habarlağan. Qıtay şeneunikteriniñ mälimdeuinşe, onda terrorizm men ekstremizm ideyalarınıñ ıqpalına tüsken, qıtay tilin, jazu negizderin, kommunikativtik dağdılardı jäne QHR zañnamasınıñ negizderin oqitın adamdar bar. Bwl ortalıqtardağı adamdardıñ naqtı sanın Qıtay biligi jasırın wstap otır.

Osığan deyin birqatar batıs kompaniyaları (arasında Nike pen H&M de bar) adam qwqığınıñ bwzıluına baylanıstı Şıñjañnan maqta satıp aludan bas tartqan. Al AQŞ pen Euroodaq Şıñjañdağı qısımğa baylanıstı Qıtayğa ekonomikalıq sankciya engizdi. Qara tizimge engender Europa odağına kire almaydı jäne aktivteri bwğattaladı.

Öz kezeginde Qıtaydıñ tehnologiyalıq kompaniyaları men memlekettik aqparat qwraldarı qatañ baqılanatın äleumettik jelilerdiñ kömegimen älemge tanımal brendterge şüylige bastağan. Qıtaydıñ tanımal twlğaları Nike-tiñ sport jabdıqtarınan bas tartıp, älemge kiim satumen tanımal bolğan H&M önimderin satıp almaytının kezek-kezek mälimdep jatır. Qıtay kiim şığaratın britandıq Burberry kompaniyasınıñ önimderine de boykot jariyalağan.

"The Qazaq Times"