Foto: REUTERS

Postimpressionist Van Gogtıñ bwğan deyin tek jeke kollekciyada saqtalğandıqtan köpşilik üşin beymälim bolğan kartinası alğaş ret Parijde körmege qoyıldı.

«Monmartrdağı köşe» dep atalatın kartina 1887 jılı salınğan. Sodan beri atalğan kartinağa tek bir otbası ielik etken. Endi Van Gogtıñ bwl tuındısı osı aptadan bastap satılımğa şığarıldı.

Sınşılar men köpşilik üşin belgisiz bolıp kelgen kartina Parij, Amsterdam jäne Gonkongtağı «Sotheby ' s» aukcion üyiniñ bölimşelerinde körsetilmek. Aukcion 25 naurızda ötedi. Espertter kartina bağasın 8 million euroğa bağalap otır.

«Monmartrdağı köşe». Foto: REUTERS

Vinsent Villem Van Gog öziniñ bar ğwmırında 930 kartina, 1100 suret jäne birşama nobaylar salğan. Onıñ kartinaları – eñ jii wrlanatın öner tuındılarınıñ qatarında. 2013 jılı AQŞ-tıñ Federaldı Tergeu Byurosı (FBR) älem boyınşa moyındalğan tuındılardıñ atı şulı 10 wrlığı tizimin jariyalağan kezde, tizim işindegi eñ qımbat eki kartina osı Van Gogtiki bolatın: «Şevingendegi teñiz körinisi» jäne «N'yunendegi şirkeu». Bwlardıñ ärqaysısı $30 mln töñireginde bağalanadı. Bwl eki kartina da 2002 jılı Amsterdamdağı Vinsent Van Gog muzeyinen wrlandı. Küdikti retinde eki er adamnıñ wstalğanı belgili, alayda olardıñ kinäsin däleldeu mümkin bolmadı.

2013 jılı Egipettegi Mwhammed Mahmwd Halil' muzeyinen basşılıqtıñ salğırttığınan Vinsent Van Gogtıñ «Köknär» kartinası wrlandı. Sarapşılardıñ bağalauınşa bwl öner tuındısı $50 mln bağalanadı.

"The Qazaq Times"