پوستيمپرەسسيونيست ۆان گوگتىڭ بۇعان دەيىن تەك جەكە كوللەكتسيادا ساقتالعاندىقتان كوپشىلىك ءۇشىن بەيمالىم بولعان كارتيناسى العاش رەت پاريجدە كورمەگە قويىلدى.
«مونمارترداعى كوشە» دەپ اتالاتىن كارتينا 1887 جىلى سالىنعان. سودان بەرى اتالعان كارتيناعا تەك ءبىر وتباسى يەلىك ەتكەن. ەندى ۆان گوگتىڭ بۇل تۋىندىسى وسى اپتادان باستاپ ساتىلىمعا شىعارىلدى.
سىنشىلار مەن كوپشىلىك ءۇشىن بەلگىسىز بولىپ كەلگەن كارتينا پاريج، امستەردام جانە گونكونگتاعى «Sotheby ' s» اۋكتسيون ءۇيىنىڭ بولىمشەلەرىندە كورسەتىلمەك. اۋكتسيون 25 ناۋرىزدا وتەدى. ەسپەرتتەر كارتينا باعاسىن 8 ميلليون ەۋروعا باعالاپ وتىر.
«مونمارترداعى كوشە». فوتو: REUTERS
ۆينسەنت ۆيللەم ۆان گوگ ءوزىنىڭ بار عۇمىرىندا 930 كارتينا، 1100 سۋرەت جانە ءبىرشاما نوبايلار سالعان. ونىڭ كارتينالارى – ەڭ ءجيى ۇرلاناتىن ونەر تۋىندىلارىنىڭ قاتارىندا. 2013 جىلى اقش-تىڭ فەدەرالدى تەرگەۋ بيۋروسى (فبر) الەم بويىنشا مويىندالعان تۋىندىلاردىڭ اتى شۋلى 10 ۇرلىعى ءتىزىمىن جاريالاعان كەزدە، ءتىزىم ىشىندەگى ەڭ قىمبات ەكى كارتينا وسى ۆان گوگتىكى بولاتىن: «شەۆينگەندەگى تەڭىز كورىنىسى» جانە «نيۋنەندەگى شىركەۋ». بۇلاردىڭ ارقايسىسى $30 ملن توڭىرەگىندە باعالانادى. بۇل ەكى كارتينا دا 2002 جىلى امستەردامداعى ۆينسەنت ۆان گوگ مۋزەيىنەن ۇرلاندى. كۇدىكتى رەتىندە ەكى ەر ادامنىڭ ۇستالعانى بەلگىلى، الايدا ولاردىڭ كىناسىن دالەلدەۋ مۇمكىن بولمادى.
2013 جىلى ەگيپەتتەگى مۇحاممەد ماحمۇد حاليل مۋزەيىنەن باسشىلىقتىڭ سالعىرتتىعىنان ۆينسەنت ۆان گوگتىڭ «كوكنار» كارتيناسى ۇرلاندى. ساراپشىلاردىڭ باعالاۋىنشا بۇل ونەر تۋىندىسى $50 ملن باعالانادى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
VI Digital Almaty: مينيسترلىك فورۋمدى قازاقشا وتكىزۋگە ۋادە بەردى
ينتەللەكتۋالدى پوەتيكالىق دراما. «9 گرامم»
موڭعوليا استاناسىندا جاپپاي نارازىلىق شەرۋلەرى ءوتتى