Nazarbaevtar äuletiniñ qwdası, belgili oligarh Qayrat Boranbaev pen tağı birqatar käsipker ielik etetin, vakcina öndirisine mümkindik alğan Qarağandı farmacevtikalıq keşeni. Foto: aşıq derekköz

Reseylik «Sputnik V» koronavirus vakcinasınıñ Qazaqstandağı öndirisine, Qarağandı farmacevtikalıq keşenine byudjetten 15 mlrd 175 mln teñge bölingen.

Bwl turalı redakciya tilşisiniñ qazaq tilindegi swrağına vice-ministr Ajar Ğiniyatqızı kümiljip, alıstan orağıttı. Alayda Azattıq jurnalisiniñ orısşa qoyğan swrağına jauap bergen densaulıq saqtau ministri Aleksey Coy joğarıdağı derekti keltirdi. Ükimet müşesi, ministrdiñ memlekettik tilge jetik bolmauı sebepti özekti swraqtar osılayga jauapsız qalıp qoyadı, al qazaqşa wğatın orınbasarları bastıq qabağına qaraylap, imenşektey beredi.

10 aqpan särsenbi küngi brifingte ministr vakcina bağası jaylı söz etti.

– Alğaşqı partiyası eki dozasına 26 dollardan keldi. Resey tike investiciya qorınan bağa mäselesi qayta qarastırıluı mümkin ekendigi turalı hat keldi. Atalğan önimniñ köptep şığarıluına baylanıstı bağası arzandauı mümkin. Qazirgi kezde bağası – 26 dollar, – dedi Coy.

Sözine qarağanda, Qarağandı farmacevtikalıq keşeninen şıqqan (vakcina şikizatın Resey dayın substanciya küyinde jetkizedi – QT) ekpeni ministrlik qaramağındağı birıñğay distrib'yutor «SK-Farmaciya» däl osı bağada satıp aladı. Bwğan deyingi eki brifingte ministrlik ökilderi zauıtqa audarılatın qarjınıñ kölemi jönindegi saualğa jauap bermegen.

Ministr Aleksey Coydıñ «älem swranısına» ie, «tekserilgen» degen vakcinasın aqparat qwraldarı  äli künge deyin resmi tirkeuden ötpegenin jazğan. Özge tañdau bolmağandıqtan, tehnologiyalıq mümkindiginen äri barlıq talapqa say kelgendikten tañdap alındı delingen Qarağandı farmacevtikalıq keşenine ielik etetin käsipkerlerdiñ biri belgili oligarh Qayrat Boranbaev. Ol Azattıq tilşisine eks-prezident Nazarbaev äuletimen tuıstığınıñ biznesine eş äser etpegenin aytıp habarlasqan.

Coydıñ  aytuınşa, keybir partiyaları Reseydiñ özinde öndiriletin Sputnik V ekpesine 18 mlrd teñge qarastırılğan. Alayda qañtar ayınıñ soñında vice-ministr Marat Şoranov vakcinaciya nauqanına bölingen 50 mlrd teñge qarjınıñ 16,8 milliardı körşi eldiñ Sputnik V, qalğan böligi otandıq QazCovidIn ekpelerine jwmsalu josparlanğanın mälimdegen edi.

"The Qazaq Times"