Qazaqstan Qarulı Küşteriniñ äskerlerinde qısqı oqıtu kezeñiniñ qorıtındısı boyınşa baqılau tekseris jalğasuda. Bügingi tañda ekinşi kezeñ bastaldı. Onıñ şeñberinde ÄQK äue şabuılına qarsı qorğanıs äskerleri, sonday-aq, QR QK Qwrlıq äskerleri jauıngerlik jäne materialdıq-tehnikalıq qamtamasız etudiñ qwramaları men äskeri bölimderi tekseriluge jatadı. Bwl turalı Qazaqstan Qarulı Küşteriniñ resmi saytında jariyalandı.

QR Qorğanıs ministri general-polkovnik Säken Jaswzaqovtıñ tapsırması boyınşa elimizdiñ barlıq öñirlerinde jwmıs jasaytın keşendi komissiya qwrıldı. Ekinşi kezeñdegi jalpı basşılıqqa alu men baqılau QR QK Bas ştabı bastığınıñ orınbasarlarımen jüzege asırıladı.

Oñtüstik bağıttağı tekseris Bas ştabı bastığınıñ birinşi orınbasarı general-mayor Ämir Halikovtıñ, şığıs bağıtında Bas ştabı bastığınıñ orınbasarı general-mayor Mwhamedjan Talasovtıñ jalpı basşılıq etui jäne baqılauımen ötedi. Oñtüstik-şığıs bağıtında tekseris barısın basşılıqqa alu men baqılaudı Bas ştabı bastığınıñ orınbasarı aviaciya general-mayorı Nwrlan Kärbenov, batısta Bas ştabı bastığınıñ orınbasarı general-mayor Ädilbek Aldabergenov, ortalıq bağıtta QR QK BŞ Strategiyalıq josparlau departamentiniñ bastığı general-mayor Ruslan Şpekbaev jüzege asıradı.

Qazaqstan Qarulı Küşteriniñ äskerlerinde baqılau tekseris bastaldı. Foto: mod.gov.kz

Äskeri qızmetşiler jauıngerlik dayarlıqtıñ negizgi pänderi boyınşa özderiniñ şeberlikteri men maşıqtarın däleldeui tiis. Bwl taktikalıq, arnayı, atıs, dene, saptıq jäne memlekettik-qwqıqtıq dayındıq, jalpıäskeri jarğılar, sonday-aq, äskeri topografiya. Sabaqtar körsetilgen audanğa jılju, batal'onnıñ (rotanıñ) komandalıq-baqılau punktin öristetu, jauıngerlik tapsırmalardı qoyu, kirispe jäne jauıngerlik oq atulardı ötkizu boyınşa qoyılğan tapsırmalardı orındau barısında bölimşelerdi basqaru mäselelerin pısıqtay otırıp, kündizgi jäne tüngi uaqıtta ötkiziledi.

Baqılau tekserisi jeke qwramnıñ dağdısın, jauıngerlik dayındıqtıñ şınayı deñgeyi men vzvodtardıñ, rotalardıñ, qwramalar men bölimder batal'ondarı basqarmalarınıñ üylesimdilik deñgeyin, bölimşelerdiñ qısqa merzimde qoyılğan jauıngerlik tapsırmalardı orındau äzirligin ayqındauğa, sonday-aq, jauıngerlik dayarlıq josparları men bağdarlamalarınıñ orındaluın bağalauğa közdelgen.

Odan basqa, komissiya qaru-jaraq pen äskeri tehnikanıñ jay-küyin, bağınıstı qwramalarda jauıngerlik dayarlıqtı basşılıqqa alu boyınşa lauazımdı adamdardıñ jwmısın wyımdastıru jüyesin, jauıngerlik jäne jwmıldıru äzirlikti tekseretin boladı.

“The Qazaq Times”