Baqılau institutınıñ qızmetin şektegen OSK qwramı saylau aldındağı soñğı jiında. 8 qañtar 2021 jıl. Foto: QR OSK

Düysenbi, sağat 15.00-degi Ortalıq saylau komissiyasınıñ (OSK) aldın ala wsınğan mälimetine qarağanda, parlamentke «eski» üş sayasi partiya qayta ötken.

Olar – «Nwr Otan», «Aq jol» jäne «Qazaqstannıñ halıq partiyası».

Saylaudıñ aldın ala qorıtındısı boyınşa:

  • «Nwr Otan» – 71,09%
  • «Aq jol» – 10,95%
  • «Qazaqstannıñ halıq partiyası»– 9,1%
  • «Auıl»– 5,29%
  • «Adal»– 3,57% dauıs alğan.

Qazaqstanda zañ boyınşa, parlamentke 7% dauıs alğan partiyalar ötedi. OSK saylaudıñ tüpkilikti nätijesi hattamalardıñ tüpnwsqası kelgennen keyin jariyalanatının habarladı. Bilik partiyası jäne mäjilis kandidatımen tuıstıq baylanısı bar törağa basqaratın OSK esebi ükimet qolayına «jağatın» wyımdar jürgizgen ekzit-poll nätijesin quattadı.

10 qañtar küngi mäjilis jäne mäslihattar saylauına Qazaqstannıñ eks-prezidenti Nazarbaev «ömir boyğı törağa» retinde basqaratın «Nwr Otan» partiyası men bilikşil tört partiya qatıstı. Täuelsiz baqılauşılar men bayqauşılar, sonday-aq aqparat qwraldarına ärtürli qısım jasalıp, beybit jiınğa şıqqan narazılar wstaldı, keybir oppoziciyalıq toptar (Dempartiya bastamaşıl tobı men Oyan, Qazaqstan belsendileri) küni boyı policiya qorşauında boldı. Saylau uçaskelerinde jurnalister men baqılauşılar birqatar öreskel zañbwzuşılıqtardı bayqap, komissiya jäne senimdi ökilderdiñ nemğwraylığına kuä bolğan. Degenmen Bas prokuratura men İİM saylau tınış ötkenin aytıp, joğarıda atalğan kemşilikter bolmaşı qwqıqbwzuşılıq dep sanaydı.

"The Qazaq Times"