دۇيسەنبى، ساعات 15.00-دەگى ورتالىق سايلاۋ كوميسسياسىنىڭ (وسك) الدىن الا ۇسىنعان مالىمەتىنە قاراعاندا، پارلامەنتكە «ەسكى» ءۇش ساياسي پارتيا قايتا وتكەن.

ولار – «نۇر وتان»، «اق جول» جانە «قازاقستاننىڭ حالىق پارتياسى».

سايلاۋدىڭ الدىن الا قورىتىندىسى بويىنشا:

  • «نۇر وتان» – 71,09%
  • «اق جول» – 10,95%
  • «قازاقستاننىڭ حالىق پارتياسى»– 9,1%
  • «اۋىل»– 5,29%
  • «ادال»– 3,57% داۋىس العان.

قازاقستاندا زاڭ بويىنشا، پارلامەنتكە 7% داۋىس العان پارتيالار وتەدى. وسك سايلاۋدىڭ تۇپكىلىكتى ناتيجەسى حاتتامالاردىڭ تۇپنۇسقاسى كەلگەننەن كەيىن جاريالاناتىنىن حابارلادى. بيلىك پارتياسى جانە ءماجىلىس كانديداتىمەن تۋىستىق بايلانىسى بار توراعا باسقاراتىن وسك ەسەبى ۇكىمەت قولايىنا «جاعاتىن» ۇيىمدار جۇرگىزگەن ەكزيت-پولل ناتيجەسىن قۋاتتادى.

10 قاڭتار كۇنگى ءماجىلىس جانە ءماسليحاتتار سايلاۋىنا قازاقستاننىڭ ەكس-پرەزيدەنتى نازارباەۆ «ءومىر بويعى توراعا» رەتىندە باسقاراتىن «نۇر وتان» پارتياسى مەن بيلىكشىل ءتورت پارتيا قاتىستى. تاۋەلسىز باقىلاۋشىلار مەن بايقاۋشىلار، سونداي-اق اقپارات قۇرالدارىنا ءارتۇرلى قىسىم جاسالىپ، بەيبىت جيىنعا شىققان نارازىلار ۇستالدى، كەيبىر وپپوزيتسيالىق توپتار (دەمپارتيا باستاماشىل توبى مەن Oyan, Qazaqstan بەلسەندىلەرى) كۇنى بويى پوليتسيا قورشاۋىندا بولدى. سايلاۋ ۋچاسكەلەرىندە جۋرناليستەر مەن باقىلاۋشىلار بىرقاتار ورەسكەل زاڭبۇزۋشىلىقتاردى بايقاپ، كوميسسيا جانە سەنىمدى وكىلدەردىڭ نەمعۇرايلىعىنا كۋا بولعان. دەگەنمەن باس پروكۋراتۋرا مەن ءىىم سايلاۋ تىنىش وتكەنىن ايتىپ، جوعارىدا اتالعان كەمشىلىكتەر بولماشى قۇقىقبۇزۋشىلىق دەپ سانايدى.

"The Qazaq Times"