Körneki suret. Foto: cinemaplex

Seysenbi küni Qazaqstanda 75 adamnan koronavirus, 299 adamnan koronavirus pnevmoniyası anıqtalğan. Ekeuin qosqanda 5 qazaqstandıq  (U07.1 – 3, U07.2 – 2) qaytıs bolğan.

Respublika köleminde COVID eñ köp nauqas tirkelgen aymaqtar – ŞQO (22), odan keyin astana (16). DenMin mälimetinşe, barlığı 107 908 adam auırğan, onıñ 102 mıñnan astamı emdelgen. Biraq derttiñ sebebinen 1731 adam ömirden ötken.

Biıl jazda «mausım-şilde qırğınına» jol berip alğan Ükimettiñ dereginşe, qazirgi tañda kovid jwqtırğan 3 303 adam (1 881 – auruhanada, 1 422 – ambulatorlıq baqılauda) emdelip jatır. Arasında 56 jasöspirim-bala bar. Jağdayı naşarlağan 90 nauqastıñ 14-iniñ ahualı tım auır. 21 nauqas ökpeni jasandı jeldetu apparatımen tınıstap jatır.

1 tamızdan beri koronavirus pnevmoniyasına şaldıqqandar 33 mıñğa, 13 naurızdan beri bilik moyındağan COVID-19 infekciyasın jwqtırğandar qatarı 108 mıñğa juıqtağan.

DDSW mälimetinşe, Qazaqstanda auırğandardıñ sanı 140 mıñnan asqan. Degenmen Ükimet koronavirus pen onıñ pnevmoniyasın eki bölek esepteydi.

Pandemiya bastalğalı jalpı jiını virus jwqqandardıñ 2660-ı (KVI+ / U07.1 – 1 731, KVI- / U07.2 – 353, ilespe aurulardan – 576) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingen 576 adamdı jalpı statistikağa qosıp eseptemeydi. Sarapşılar bwğan qarsı. Olardıñ aytuınşa, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

"The Qazaq Times"