Astanadağı Jazuşılar üyinde "Qarağaybastauım" jır kitabınıñ twsauı kesildi. Foto: Ädebiet portalınan.

26 tamız küni Elordasındağı Jazuşılar üyinde Qazaqstan Jazuşılar odağınıñ jäne Euraziya jazuşılar odağınıñ müşesi, aqın-sazger, akademik-däriger Tolqın Aqanwlınıñ "Qarağaybastauım" attı jır jinağınıñ twsauı kesilip, oqırmanğa jol tarttı. 

Jır jinaqtıñ twsaukeser jiınına qazaq poeziyasınıñ körnekti ökili aqın Nesipbek Aytwlı, astanadağı Jazuşılar üyiniñ direktorı, aqın Däuletkerey Käpwlı, jazuşı Jädi Şäkenwlı qatarlı ädebiettiñ, önerdiñ ökilderi qatıstı. Avtor şığarmaşılığı men ömirdegi aluan qırları turalı äñgime şertilip, öleñ süyer qauımğa jol tartqan eñbekke sät sapar tiledi.

Avtordan jır käde.

Şaranıñ soñın "Qarağaybastauım" jır kitabınıñ avtorı Tolqın Aqanwlı öziniñ bir öleñimen tüyindedi:

Atım – qazaq, şette tuıp, şette östim,
Twmsığımdı qanatqan joq köpte eşkim.
Jalpaqtamay, jaltaqtamay eşkimge
Erkin söylep, egesterdi döp kestim.
Añsap kütken ağayınmen bettestim,
Talay-talay bezbüyrekpen bettestim.
Qanım – qazaq, janım – qazaq emes pe,
Atajwrttan endi eşqayda ketpespin!


Foto: Ädebiet portalınan.

Twsaukeserge qatısqan önerpazdar avtordıñ sözine jazılğan änderden şaşu şaştı.

“The Qazaq Times”