Kreml' sayasatın demokratiya közqarasında jii sınaytın, Putin opponenti, oppoziciya sayasatkeri Aleksey Naval'nıy. Aleksey Naval'nıy. Foto: Sergey Fadeiçev / TASS

Ombı qalasınıñ №1 jedel järdem auruhanasınıñ basşılığı qastandıqpen ulanğan sayasatker Aleksey Naval'nıydı Germaniya klinikasına alıp ketuge rwqsat bermey jatır. Oppoziciya bağıtındağı sayasatkerdiñ baspasöz hatşısı Kira YArmış reseylik därigerler onıñ «boyınan qauipti u tabılğanın, qazirgi jağdayı twraqsız ekenin aytıp», basqa jaqqa auıstıruğa rwqsat etpegenin habarladı.

«Bas däriger Naval'nıydıñ jolğa jaramaytının ayttı. Häli twraqsız. Onı äketuge tuıstarınıñ şeşimi jetkiliksiz», – dep jazdı YArmış Tvitter parağında.

Bwğan deyin Germaniya jäne Franciya basşıları Angela Merkel' men Emmanuel' Makron Naval'nıyğa joğarı deñgeyde medicinalıq kömek körsetuge dayın ekenin habarlağan.  Sonday-aq nemistiñ DRA agenttigi bügin tañğa qaray Om qalasına es-tüssiz jatqan sayasatkerdi Berlinge jetkizuge arnayı wşaq jiberilgeni jöninde mälimet tarattı.

Resey ulanğan oppozicioneri Naval'nıydı Germaniyağa evakuaciyalauğa rwqsat etpey jatır. YArmış bwl wşaqtıñ Reseyge kele jatqanın rastadı:

«Alekseydi evakuaciyalauğa arnalğan wşaq bir sağatta qonuı kerek. Naval'nıydı alıp ketuge şekteu, bwl – därigerler men aldamşı biliktiñ belsendi ömirine jasap jatqan qastandığı», – dep jazdı ol.

YArmıştıñ aytuınşa, birer sağat bwrın medicina qızmetkerleri Naval'nıydı äketuge, tasımaldauğa rwqsat berip, artınan aynıp qalğan. Ol şeşimniñ ayaq astınan bwlay qwbıluına Kreml'diñ tikeley qatısı bar dep sanaydı.

Bilik äreketin ünemi ötkir äri aşıq sınğa alatın Naval'nıy «emdelip jatqan» Ombı qalasında qazirgi tañda onıñ äyeli YUliya jäne inisi Oleg bar. Olar tañerteñ FBK  («Korrupciyağa qarsı küres qorı» – QT) direktorı Ivan Jdanovpen birge BAQ ökilderine arnayı mälimdeme jasadı.

https://twitter.com/Kira_Yarmysh/status/1296681869099008000?ref_src=twsrc%5Etfw%7Ctwcamp%5Etweetembed%7Ctwterm%5E1296681869099008000%7Ctwgr%5E&ref_url=https%3A%2F%2Ftvrain.ru%2Fnews%2Fzhdanov_v_organizme_navalnogo_nashli_veschestvo_opasnoe_dlja_okruzhajuschih_ego_nazvanie_ne_govorjat-514724%2F

Jdanovtıñ aytuına qarağanda, Alekseydiñ boyınan tabılğan udıñ naqtı ne ekeni tergeu qwpiyası retinde äzirge belgisiz. Diagnozı da qoyılmağan. Därigerler oğan sayasatkerdiñ mañında arnayı qorğanış kiimmen ğana jüruge bolatının aytıptı.  Bügin Naval'nıy jaqtastarı därigerlermen jiın ötkizbek.

Küni keşe, 20 tamız, beysenbi küni erteñgilik Tomsk qalasınan Mäskeuge bet alğan oppozicioner sayasatker Aleksey Naval'nıy bortta jağdayı naşarlap, wşaq dereu Ombı qalasına qonuğa tura kelgen. Sodan beri ol komada jatır. «Interfaks» aqparat köziniñ habarlauınşa, auır hälde jatqan Alekseydiñ boljaldı diagnozı – belgisiz psihodisleptikalıq zattan (gallyucinaciya tudıratın – QT)  ulanğan boluı ıqtimal. Auruhananıñ bas därigeri onıñ jansaqtau böliminde ÖJJA qwrılğısında jatqanın habarladı.

Osı oqiğadan keyin keşkisin Naval'nıydı qoldau maqsatında Mäskeu, Peterburg, Novosibirsk, Tömengi Novgorod qalalarında ondağan adam narazılıq ötkizgen. BAQ ökilderi taratqan aqparat boyınşa, olardıñ köbin policiya wstap äketken.

"The  Qazaq  Times"