ومبى قالاسىنىڭ №1 جەدەل جاردەم اۋرۋحاناسىنىڭ باسشىلىعى قاستاندىقپەن ۋلانعان ساياساتكەر الەكسەي ناۆالنىيدى گەرمانيا كلينيكاسىنا الىپ كەتۋگە رۇقسات بەرمەي جاتىر. وپپوزيتسيا باعىتىنداعى ساياساتكەردىڭ ءباسپاسوز حاتشىسى كيرا يارمىش رەسەيلىك دارىگەرلەر ونىڭ «بويىنان قاۋىپتى ۋ تابىلعانىن، قازىرگى جاعدايى تۇراقسىز ەكەنىن ايتىپ»، باسقا جاققا اۋىستىرۋعا رۇقسات ەتپەگەنىن حابارلادى.
«باس دارىگەر ناۆالنىيدىڭ جولعا جارامايتىنىن ايتتى. ءحالى تۇراقسىز. ونى اكەتۋگە تۋىستارىنىڭ شەشىمى جەتكىلىكسىز»، – دەپ جازدى يارمىش تۆيتتەر پاراعىندا.
بۇعان دەيىن گەرمانيا جانە فرانتسيا باسشىلارى انگەلا مەركەل مەن ەممانۋەل ماكرون ناۆالنىيعا جوعارى دەڭگەيدە مەديتسينالىق كومەك كورسەتۋگە دايىن ەكەنىن حابارلاعان. سونداي-اق نەمىستىڭ Dرا اگەنتتىگى بۇگىن تاڭعا قاراي وم قالاسىنا ەس-ءتۇسسىز جاتقان ساياساتكەردى بەرلينگە جەتكىزۋگە ارنايى ۇشاق جىبەرىلگەنى جونىندە مالىمەت تاراتتى.
رەسەي ۋلانعان وپپوزيتسيونەرى ناۆالنىيدى گەرمانياعا ەۆاكۋاتسيالاۋعا رۇقسات ەتپەي جاتىر. يارمىش بۇل ۇشاقتىڭ رەسەيگە كەلە جاتقانىن راستادى:
«الەكسەيدى ەۆاكۋاتسيالاۋعا ارنالعان ۇشاق ءبىر ساعاتتا قونۋى كەرەك. ناۆالنىيدى الىپ كەتۋگە شەكتەۋ، بۇل – دارىگەرلەر مەن الدامشى بيلىكتىڭ بەلسەندى ومىرىنە جاساپ جاتقان قاستاندىعى»، – دەپ جازدى ول.
يارمىشتىڭ ايتۋىنشا، بىرەر ساعات بۇرىن مەديتسينا قىزمەتكەرلەرى ناۆالنىيدى اكەتۋگە، تاسىمالداۋعا رۇقسات بەرىپ، ارتىنان اينىپ قالعان. ول شەشىمنىڭ اياق استىنان بۇلاي قۇبىلۋىنا كرەملدىڭ تىكەلەي قاتىسى بار دەپ سانايدى.
بيلىك ارەكەتىن ۇنەمى وتكىر ءارى اشىق سىنعا الاتىن ناۆالنىي «ەمدەلىپ جاتقان» ومبى قالاسىندا قازىرگى تاڭدا ونىڭ ايەلى يۋليا جانە ءىنىسى ولەگ بار. ولار تاڭەرتەڭ فبك («كوررۋپتسياعا قارسى كۇرەس قورى» – QT) ديرەكتورى يۆان جدانوۆپەن بىرگە باق وكىلدەرىنە ارنايى مالىمدەمە جاسادى.
https://twitter.com/Kira_Yarmysh/status/1296681869099008000?ref_src=twsrc%5Etfw%7Ctwcamp%5Etweetembed%7Ctwterm%5E1296681869099008000%7Ctwgr%5E&ref_url=https%3A%2F%2Ftvrain.ru%2Fnews%2Fzhdanov_v_organizme_navalnogo_nashli_veschestvo_opasnoe_dlja_okruzhajuschih_ego_nazvanie_ne_govorjat-514724%2F
جدانوۆتىڭ ايتۋىنا قاراعاندا، الەكسەيدىڭ بويىنان تابىلعان ۋدىڭ ناقتى نە ەكەنى تەرگەۋ قۇپياسى رەتىندە ازىرگە بەلگىسىز. دياگنوزى دا قويىلماعان. دارىگەرلەر وعان ساياساتكەردىڭ ماڭىندا ارنايى قورعانىش كيىممەن عانا جۇرۋگە بولاتىنىن ايتىپتى. بۇگىن ناۆالنىي جاقتاستارى دارىگەرلەرمەن جيىن وتكىزبەك.
كۇنى كەشە، 20 تامىز، بەيسەنبى كۇنى ەرتەڭگىلىك تومسك قالاسىنان ماسكەۋگە بەت العان وپپوزيتسيونەر ساياساتكەر الەكسەي ناۆالنىي بورتتا جاعدايى ناشارلاپ، ۇشاق دەرەۋ ومبى قالاسىنا قونۋعا تۋرا كەلگەن. سودان بەرى ول كومادا جاتىر. «ينتەرفاكس» اقپارات كوزىنىڭ حابارلاۋىنشا، اۋىر حالدە جاتقان الەكسەيدىڭ بولجالدى دياگنوزى – بەلگىسىز پسيحوديسلەپتيكالىق زاتتان (گالليۋتسيناتسيا تۋدىراتىن – QT) ۋلانعان بولۋى ىقتيمال. اۋرۋحانانىڭ باس دارىگەرى ونىڭ جانساقتاۋ بولىمىندە ءوججا قۇرىلعىسىندا جاتقانىن حابارلادى.
وسى وقيعادان كەيىن كەشكىسىن ناۆالنىيدى قولداۋ ماقساتىندا ماسكەۋ، پەتەربۋرگ، نوۆوسيبيرسك، تومەنگى نوۆگورود قالالارىندا ونداعان ادام نارازىلىق وتكىزگەن. باق وكىلدەرى تاراتقان اقپارات بويىنشا، ولاردىڭ كوبىن پوليتسيا ۇستاپ اكەتكەن.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن