Jahandıq indetke aynalğan Covid-19 virusın jwqtırğan adamnıñ iis pen däm sezbey qalatını mälim. Biraq, mwnday belgiler sasıq tımau kezinde de boladı. Bwl ekeuin qalay ajıratuğa boladı. Europalıq mamandardıñ bwl jayındağı zertteu nätijesin Rhinology jurnalı jariya etti.

Koronavirus jwqtırğan adam iis sezu qabletin joğaltıp aladı. Bwl kezde jwğımdaluşınıñ mwrnı bitu nemese tınıs aludıñ qiındauı sındı jağday bayqalmaydı. Al, bwdan keyin adamnıñ tamaqqa degen täbeti naşarlap, däm sezbeytin bola bastaydı. Zertteuşiler virus adamnıñ däm däne iis ayıratın nerv kletkalarına tolıqtay äser etedi dep qaraydı.

Ğılımi zertteudi Şığıs Angliya Universiteti ğalımdar tobınıñ jetekşisi Karl Filpot jasağan. Onıñ zertteuine 30 erikti ( koronavirus jwqtırğan 10 adam, sasıqtımau jwqtırğan 10 adam jäne 10 qalıptı adam) qatısqan. Nätijede sasıq tımaudan göri koronavirus jwqtırğan adamnıñ iis jäne däm sezu tüysigi köbirek älsireytini mälim bolğan. Koronavirus jwqtıruşı aşı men tättini de ajırata almay qaladı. Professor Filpot bwdan paydalanıp koronavirus jwqtırğandardı anıqtaudıñ tez äri oñay täsilin tabuğa boladı dep sanaydı.

Üy jağdayında limon, kofe, sarımsaq jäne twz ben şekerden paydalanıp ta indetti anıqtauğa boladı. Degenmen, ğalımdar mwrın jäne auız quısınan swyıqtıq alıp tekstileudiñ mañızdılığın basa aytadı.

Jon Hopkins Universitetiniñ ğalımdarı koronavirustıñ iis jäne däm sezu tüysikterin qalay älsiretetini turalı eñ qonımdı zertteu nätijesin wsındı. Professor, Endryu Leyn bwl üşin mwrın quısındağı jäne tınıs jolındağı virustıñ äreketin zerttegen. Nätijede, tınıs jolındağı iis ajıratuğa jauap beretin zonadan APF-2 fermentin köp mölşerde tapqan. Bwl ferment ağzadağı qandayda bir reakciyalardı tezdetuşi biologiyalıq katalizator rölin atqaradı.

Ğalımdar koronavirustıñ adam ağzasındağı osı fermenti özine qızmet etkizgenin, nätijede virustıñ denege tez taralıp, köbirek zardap keltiretinin anıqtağan. Zertteudegi bwl jañalıö koronavirusqa qarsı emdeu men aldın alu ädisterine ülken üles qospaq.

"The  Qazaq  Times"