QR Densaulıq saqtau ministri Aleksey Coy koronavirustıñ küzde boluı mümkin jaña tolqınına dayındıq turalı mälimdedi. Onıñ aytuınşa, qazan ayında 13 jaña modul'di jwqpalı aurular auruhanasınıñ qwrılısı ayaqtalıp, paydalanuğa beriledi. Qazir mekemeni jabdıqtauğa arnalğan qwral-qwrılğılar satıp alınıp jatqan körinedi.
«Koronavirustıq pandemiya ayaqtalğan joq (aldıñğı jazbalarınıñ birinde tamızdağı ahualdı «postpandemiya» kezindemiz dep sipattağan – QT). Biz qazan ayında JRVI jäne twmau mausımına twspa-tws keletin jaña tolqınğa dayın boluımız kerek. Densaulıq saqtau ministrligi jergilikti atqaruşı organdarmen birlesip aldağı küzgi-qısqı kezeñge belsendi dayındalıp jatır. Elimizdiñ därihanalarına 10 millionnan astam däri-därmek qaptaması jetkizildi, Birıñğay Distrib'yutor operatorı medicinalıq wyımdardı ay sayın däri-därmekpen qamtıp keledi. Sonday-aq, 30 qırküyekke deyin 24 mlrd teñge qarjığa qosımşa eki aylıq qor jetkizu josparlanğan. SK-Farmaciya janınan 11 aymaqtıñ twraqtandıru qorlarınıñ negizinde Respublikalıq twraqtandıru qorı qwrıldı», – dep jazdı ministr Facebook paraqşasında.
Aleksey Coy wsınğan derekke sensek, eldegi auruhanalarğa 2578 dana ÖJJA qwrılğısı satıp alınıp jatır. Sonımen qosa, 23 890 tösek-orın ottegi qorımen qamtılmaq. Bwğan demeuşiler men Düniejüzilik bank qarjısı jwmsalğan. Biraq naqtı kölemi aytılmağan. Eki aptadan beri jurnlaisterdiñ aldına şıqpağan Coy qazan ayına deyin barlıq audandıq auruhananı 100%-ğa sandıq rentgen-apparatımen qamtuğa uäde berdi. Alayda ministr el äbden zar bolğan qwrılğılardıñ jalpı byudjeti qanşağa şıqqanı naqtılamadı.
Ministr jaña tağayındalğan twsında (mausım-şilde) örşigen epidemiyanı este saqtaytının jazıp, ol kezde Qazaqstannıñ medicina salası nöpirlegen nauqastı igere almağanın moyındadı.
Erteñgi küni osı jağday qaytalanbas üşin vedomstvoaralıq komissiya köktemde Almatı, Şımkent qalaları men astanada aşılğan modul'di auruhanağa wqsas, jiını 2,7 mıñ orınğa şaqtalğan tağı 13 jwqpalı auruhana saluğa şeşim şığardı. Bwlar Aqmola, Almatı, Jambıl, Qarağandı, Qızılorda, Soltüstik Qazaqstan, Atırau, Türkistan, Batıs Qazaqstan, Qostanay, Mañğıstau, Pavlodar oblıstarında jäne Almatı qalasında boy kötermek.
Şeneuniktiñ sözinşe, oblıs äkimdikteri jer telimderin bölip qoyğan. Qazirgi tañda qwrılısqa jauaptı merdigerlerdi tañdau räsimi jürip jatır eken. Al qarjılandıru jağı «Jol kartası jäne jwmıspen qamtu kartası» bağdarlaması men jergilikti byudjet esebinen jüzege asırıladı-mıs. Är auruhananıñ qwnın oblıs äkimdigi öz betinşe anıqtaydı äri jergilikti bilik «osı auruhanalardıñ ştattıq kestesin uaqtılı qalıptastıru boyınşa» jwmıs istemek.
Ol «qabıldanğan barlıq şaralar pandemiya kezinde medicinalıq kömektiñ qoljetimdiligi men sapasın jaqsartıp, därigerler men nauqastardıñ qauipsizdigin qamtamasız eterine» senimdi.
Eñbek jäne halıqtı äleumettik qorğau ministri Birjan Nwrımbetov seysenbide ükimet otırısında 13 jaña infekciyalıq auruhananıñ qwrılısı turalı, vice-ministri Serik Şapkenov «Jol kartası» esebinen biıl salınatının habarlağan. Köktemde qoldanılısqa berilgen üş megapolistegi osı tektes auruhananıñ ärqaysına 5 mlrd-tan astam teñge jwmsalğan (är pacientke 20-25 mln teñgeden şığadı). Dese de küreñ küzde, epidemiya örşitin mausım qarsañında qoldanısqa beru josparlanğan jaña 13 auruhananıñ jalpı jäne jekeley byudjeti belgisiz.
Eñ alğaş qoldanılısqa belirgen modul'di auruhananıñ biri elordada. 23 säuir 2020 jıl. Foto: primeminister.kz
Kiberşabuılğa wşırağan BAQ ökilderi qwqıq qorğau organdarına arız tüsirdi
Oyan, Qazaqstan qozğalısınıñ tağı bir belsendisin policiya bölimine şaqırdı
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Eks-ministr äyelin sabap öltirdi degen küdikpen wstaldı