Körneki suret. Qazaqstan Ükimeti COVID-19 pandemiyası kezinde statistikada esepsiz kemşilik jiberip keledi. Foto: REGNUM Aqparat agenttigi

Densaulıq saqtau ministrligi tamız ayı bastalğalı beri zerthanada rastalğan nauqastardan bölek PTR sınaması teris, biraq koronavirusqa wqsas pnevmoniyağa şaldıqqandardıñ statistikasın jariyalay bastadı. Degenmen Qazaqstan ükimeti jartı ay dayındalğan jaña formattağı statistikanıñ kem-ketigi köp. Derekter der kezinde säykespeydi nemese jañarmaydı. Tağı... 

Koronavirus (testileu arqılı zerthanada naqtılanğan) boyınşa derekter:

  • 1 tamız – 1226 (669 simptomdı/557 simptomsız)
  • 2 tamız – 1069 (570 simptomdı/499 simptomsız)
  • 3 tamız – 1158 (603 simptomdı/555 simptomsız)
  • 4 tamız – 1062 (569 simptomdı/493 simptomsız)

Koronavirustıq pnevmoniya (test teris körsetkenimen, – virus klinikası bar) boyınşa derekter:

  • 1 tamız – 5181 nauqas, 30 ölim
  • 2 tamız – 789 nauqas, 21 ölim
  • 3 tamız – 276 nauqas, 18 ölim
  • 4 tamız – 1799 nauqas, 17 ölim

Joğarıdağı mälimetke qarasaq, qayşılığı men kem-ketigi köp. Sebebi jospardan üş künge keşigip ötken tamızdağı alğaşqı brifingte, yağni düysenbidegi jiında ministr Aleksey Coy elde koronavirustıñ kesirinen qaytıs bolğandar sanın 1058 bolğanın aytqan. Al keyingi küni ükimet otırısında körsetkiş 1091-ge öskenin mälimdedi. Demek bir künde, 3 tamız küni 33 adam ömirden ötken. Biraq vedomstvo men memlekettik komissiyagıñ resmi resursı www.coronavirus2020.kz  saytında eski derek küyinde. Sondıqtan da halıqaralıq aşıq derekközder 1058 ölimdi körsetip twr, äli jañarmağan. Tağı bir mäsele, tamızdıñ 1-i 36 adamnıñ qaytqanı resmi türde habarlandı, dese de jeksenbi küngi jağday bizge beymälim. Sol sebepti sarapşılar men jurnalisterge tamız ayındağı ölim dinamikasın bağamdau-taldau qiınğa soğıp otır.

Pandemiya turalı Qazaqstandağı bastı resurs - www.coronavirus2020.kz saytı ministr mälimdemesinen birneşe künge keşigip jañaradı. Foto: sayttan skrin

Bügin, 5 tamızdıñ tün jarımında, sağat 2:23-te Densaulıq saqtau ministrliginiñ aqparat közderinde ötken täuliktegi koronavirus jäne soğan wqsas pnevmoniya deregi jariyalandı. Ministrliktiñ mälimetinşe, seysenbide 276 nauqas jäne 18 ölim tirkelgen. Degenmen 3 tamız küngi derek äli künge deyin belgisiz. Aradağı bir täuliktegi jağday qalanbay qalğan qıştıñ ketik ornınday habarlanbauı vedomsvtonıñ aqparattandıru qızmetindegi köp qateliginiñ biri ğana.

4 tamız küngi jağday boyınşa resmi derek. Foto: QR DenMin

«QR Densaulıq saqtau ministrligi bwdan bılay täuliktik nätijeler turalı aqparattı kün sayın ünemi üzbey jariyalap otıradı. Barlıq mälimet resmi saytta jäne vedmostvanıñ äleumettik jelilerdegi paraqşaları arqılı taratıladı. Atap aytqanda, nauqastardıñ jalpı sanı jöninde, qaytıs bolu derekteri turalı jäne de qoğam üşin mañızdı ahualdıñ barlığı resmi aqparat taratu közderinde jedel jariyalanıp twradı. Al, aymaqtardağı ahual turalı aqparattı apta sayın Densaulıq saqtau ministrliginiñ resmi ökili arnayı brifingte habarlap twradı», – delingen vedomstvo habarlamasında.

5 tamız küngi jağday boyınşa resmi derek. Foto: QR DenMin

Särsenbi, bügin sağat 10:30 şamasında DenMin täulik ayaqtalmay jatıp mälimet tarattı:

«2020 jılğı 5 tamızda tirkelgen koronavirustıq infekciya belgileri bar pnevmoniya boyınşa aqparat

Ötken täulikte koronavirustıq infekciya belgileri bar pnevmoniyanıñ 1 799 jağdayı jäne 17 ölim jağdayı tirkeldi.

1 tamızdan barlığı: auırğandar – 8054, 86 ölim jağdayı tirkeldi».

Resmi statistikada koronavirustıq pnevmoniyağa şaldıqqandardıñ sanı 8054-ke jetkeni jazılğan. Eger kündelikti jariyalanğan derekti, yağni düysenbidegi «belgisiz» mälimetsiz eseptesek, 8045 keys şığadı. Sonda düysenbi küni nebäri 9 nauqas tirkelgen bolıp şığa ma? Bwl jağı äli anıq emes. Jäne bir nazar audaratın jayt, 5 tamız küngi jağday boyınşa, KVI oñ şıqqan, yağni infekciyanıñ kesirinen barlığı 1125 ölim dep körsetilgen. Densaulıq saqtau ministrligi atalğan mäselelerge qanday da bir tüzetu ne tolıqtıruğa niettense, redakciya jariyalauğa dayın ekenin eskertedi.

Sonday-aq aydıñ alğaşqı jäne keyingi künderindegi derekte bayqalatın ayırmaşalıq ondağan ese. Koronavirustıq pnevmoniyanıñ az uaqıtta (üş künde) 18 esege kemui köptiñ kümänin tuğızadı. 5181 pnevmoniya jağdayın aptalıq jiıntıq dep qarastıruğa kelmeytin sebebi onımen japsarlas berilgen ölim jağdayı täuliktik körsetkiş.

1 qañtar men 2 tamız aralığında bıltırğıdan 3,3 esege artıq, naqtısı 256 mıñnan astam pnevmoniya jağdayı tirkelgen. Äleumettik jeli qoldanuşıları men sarapşılar körsetkiştiñ birneşe künde aytarlıqtay azayuın manipulyaciyamen baylanıstıradı.

Qazaqstanda zerthanada rastalğan 95 mıñğa juıq adam (onıñ işinde 8518 medicina qızmetkeri – QT) virus jwqtırğan, onıñ 1091-i infekciyanıñ tikeley sebebinen, al 319-ı janama äserinen qaytıs bolğan. Tamız bastalğalı beri koronavirustıq pnevmoniyağa şaldıqqandardıñ resmi esebi 8 mıñnıñ üstinde. Ekeuin qosa eseptegende, 103 mıñday (102 936) adam auırğan, sonımen birge virus jwqtırğan 1,5 mıñnan astam (1125+319+86=1533– QT) adam ömirden ötken. Alayda mwnı eñ minimaldı esep deuge boladı. Sebebi mamandar ministrliktiñ biıl pnevmoniyamen auırğandardı qayta qarap, odan virustı ajıratudı qiınsınğan 256 mıñ keystiñ arasında kovidtiñ barın aksioma retinde bağalap keledi.

Resmi esep 103 mıñğa juıqtağanına, ministr Coydıñ eki künde barlıq halıqaralıq resurstarğa jariyalauğa uäde etkenine qaramastan, Worldometers, D.Hopkins universitetiniñ jäne DDSW siyaqtı älemdegi negizigi derekqorlarda tek zerthanada naqtılanğan koronavirus jağdayı ğana körsetilgen.

(aqparat tolıqtırıldı)

   "The Qazaq Times"