Qazaqstanda koronavirus jwqtırğandar sanınıñ artuına baylanıstı Almatı, astana, Qarağandı, Şımkent, Pavlodar jäne Ekibastwz qalalarında şekteu şaraları küşeytiledi.

20-21 mausım künderi sauda oyın-sauıq ortalıqtarınıñ, sauda üyleriniñ jwmısı toqtatıladı. Baylanıs dükenderi, azıq-tülikten özge de zattar satatın jabıq bazarlar da uaqıtşa jabıladı. Aşıq tamaqtanu orındarı ğana jwmıs istey aladı. Onıñ özinde adamdar arasında araqaşıqtıq saqtaluı tiis. Qoğamdıq köliktiñ qozğalısı da şekteledi. Sayabaq, skver, jağalau, akvapark, fitnes klubtar jabıladı. Jası 65-ten asqan adamdardıñ dalağa şığuına şekteu qoyıladı. Turistik aymaqtarğa kiruge de rwqsat berilmeydi.

Ükimet basşısı äkimderge aymaqtarda koronavirusqa test tapsıratın ortalıqtardı aşudı tapsırdı. Auruhanalarda qosımşa orındar aşıluı tiis. Jedel järdem kölikteri şaqırtularğa jıldam baruı qajet. Halıq arasında aqparattıq tüsindiru jwmıstarı da qarqındı türde jürgizu mañızdı.

 

"The Qazaq Times"