قازاقستاندا كوروناۆيرۋس جۇقتىرعاندار سانىنىڭ ارتۋىنا بايلانىستى الماتى، استانا، قاراعاندى، شىمكەنت، پاۆلودار جانە ەكىباستۇز قالالارىندا شەكتەۋ شارالارى كۇشەيتىلەدى.

20-21 ماۋسىم كۇندەرى ساۋدا ويىن-ساۋىق ورتالىقتارىنىڭ، ساۋدا ۇيلەرىنىڭ جۇمىسى توقتاتىلادى. بايلانىس دۇكەندەرى، ازىق-تۇلىكتەن وزگە دە زاتتار ساتاتىن جابىق بازارلار دا ۋاقىتشا جابىلادى. اشىق تاماقتانۋ ورىندارى عانا جۇمىس ىستەي الادى. ونىڭ وزىندە ادامدار اراسىندا اراقاشىقتىق ساقتالۋى ءتيىس. قوعامدىق كولىكتىڭ قوزعالىسى دا شەكتەلەدى. ساياباق، سكۆەر، جاعالاۋ، اكۆاپارك، فيتنەس كلۋبتار جابىلادى. جاسى 65-تەن اسقان ادامداردىڭ دالاعا شىعۋىنا شەكتەۋ قويىلادى. تۋريستىك ايماقتارعا كىرۋگە دە رۇقسات بەرىلمەيدى.

ۇكىمەت باسشىسى اكىمدەرگە ايماقتاردا كوروناۆيرۋسقا تەست تاپسىراتىن ورتالىقتاردى اشۋدى تاپسىردى. اۋرۋحانالاردا قوسىمشا ورىندار اشىلۋى ءتيىس. جەدەل جاردەم كولىكتەرى شاقىرتۋلارعا جىلدام بارۋى قاجەت. حالىق اراسىندا اقپاراتتىق ءتۇسىندىرۋ جۇمىستارى دا قارقىندى تۇردە جۇرگىزۋ ماڭىزدى.

 

"The Qazaq Times"