Ötken aptanıñ jiıntıq esebi boyınşa 1300-ge juıq adamnıñ virus jwqtırğanı belgili boldı.

Sonday-aq 3 mausımnan beri bölek esepke alına bastağan klinikalıq belgileri joq, biraq infekciya tasımaldauşı adamdardıñ sanı 1357-ge jetipti. Bwl jikteudi Densaulıq saqtau ministrligi jasağan.

Şımkenttiñ bas sanitar-därigeri Äbdimanap Tölebaevtiñ şeşimimen, qalada karantin merzimi men şekteu şaraları 22 mausımğa deyin wzartıldı. Sarapşılar mwnday şekteu şaraları kez kelgen öñirde qayta küşeyui mümkin ekenin aytadı.

Jalpı, ötken täulikte respublika şeñberinde 241 adam sauığıp şıqsa, 3 adam qaytıs boldı. Jeksenbi küngi jağdayğa qarağanda, resmi nwsqadağı ösim 1,3%-ğa azayğan. Tağı 165 adamnan koronavirus anıqtalğan.Eñ köbi Almatı qalasında 32,  astanada 24, Qarağandı, Almatı, BQO, Atırau  jäne Pavlodar oblıstarında onnan artıq keys tirkelgen.

Elimizde qauipti keselge şaldıqqandar sanı – 12 859, emdelip şıqqandar – 7 376, qaytıs bolğandar – 56.

Qazaqstannıñ densaulıq saqtau ministrligi men bas memlekettik sanitardıñ karantin kezinde media jäne BAQ qızmetin şekteu şeşiminen soñ, elde aqparat jetispeuşiligi tuıp, onıñ ornın kümän men jalğan mälimet toltırıp, virustıñ barına senbeytinder köbeygen.

"The Qazaq Times"