وتكەن اپتانىڭ جيىنتىق ەسەبى بويىنشا 1300-گە جۋىق ادامنىڭ ۆيرۋس جۇقتىرعانى بەلگىلى بولدى.

سونداي-اق 3 ماۋسىمنان بەرى بولەك ەسەپكە الىنا باستاعان كلينيكالىق بەلگىلەرى جوق، بىراق ينفەكتسيا تاسىمالداۋشى ادامداردىڭ سانى 1357-گە جەتىپتى. بۇل جىكتەۋدى دەنساۋلىق ساقتاۋ مينيسترلىگى جاساعان.

شىمكەنتتىڭ باس سانيتار-دارىگەرى ءابدىماناپ تولەباەۆتىڭ شەشىمىمەن، قالادا كارانتين مەرزىمى مەن شەكتەۋ شارالارى 22 ماۋسىمعا دەيىن ۇزارتىلدى. ساراپشىلار مۇنداي شەكتەۋ شارالارى كەز كەلگەن وڭىردە قايتا كۇشەيۋى مۇمكىن ەكەنىن ايتادى.

جالپى، وتكەن تاۋلىكتە رەسپۋبليكا شەڭبەرىندە 241 ادام ساۋىعىپ شىقسا، 3 ادام قايتىس بولدى. جەكسەنبى كۇنگى جاعدايعا قاراعاندا، رەسمي نۇسقاداعى ءوسىم 1,3%-عا ازايعان. تاعى 165 ادامنان كوروناۆيرۋس انىقتالعان.ەڭ كوبى الماتى قالاسىندا 32,  استانادا 24, قاراعاندى، الماتى، بقو، اتىراۋ  جانە پاۆلودار وبلىستارىندا وننان ارتىق كەيس تىركەلگەن.

ەلىمىزدە قاۋىپتى كەسەلگە شالدىققاندار سانى – 12 859, ەمدەلىپ شىققاندار – 7 376, قايتىس بولعاندار – 56.

قازاقستاننىڭ دەنساۋلىق ساقتاۋ مينيسترلىگى مەن باس مەملەكەتتىك سانيتاردىڭ كارانتين كەزىندە مەديا جانە باق قىزمەتىن شەكتەۋ شەشىمىنەن سوڭ، ەلدە اقپارات جەتىسپەۋشىلىگى تۋىپ، ونىڭ ورنىن كۇمان مەن جالعان مالىمەت تولتىرىپ، ۆيرۋستىڭ بارىنا سەنبەيتىندەر كوبەيگەن.

"The Qazaq Times"