Ötken küni elimizde 356 adamnan koronavirus tabılıp, tirkelgen keyster sanı 10 mıñğa tayadı.

Koronavirus jwqtırğandar sanı jağınan respublikada aldıñğı orındarda twrğan Almatı qalasında – 84, astanada – 48 adamğa virus jwqqan. Batıs Qazaqstan oblısı, Mañğıstau oblısında ondağan adamnan koronavirus tabıldı. Densaulıq saqtau ministrliginiñ mälimetinşe, täuliktik ösim 3,7% mölşerinde bayqalğan.

Elde barlığı 9932 adamğa virus jwqqan:

  • Almatı qalası – 84 (barlığı 2462)
  • BQO – 51 (barlığı 544)
  • Astana – 48 (barlığı 1868)
  • Mañğıstau oblısı – 40 (barlığı 217)
  • Qarağandı oblısı – 34 (barlığı 788)
  • Şımkent qalası – 32 (barlığı 762)
  • ŞQO – 23 (barlığı 97)
  • Atırau oblısı – 21 (barlığı 980)
  • Almatı oblısı – 7 (barlığı 326)
  • Qızılorda oblısı – 6 (barlığı 330)
  • Pavlodar oblısı – 5 (barlığı 197)
  • Jambıl oblısı – 3 (barlığı 365)
  • Aqmola oblısı – 2 (barlığı 151)

Vedomstvonıñ habarlauınşa, SQO, Türkistan, Qostanay, Aqtöbe  oblıstarında jaña nauqastar anıqtalmağan körinedi. Jalpı jiıntığı 9932 adam COVID-19 indetiniñ infekciyasın jwqtırğan. Bir künde 132 adam jazılğan. Barlığı 4900 adam ayıqqan.

Bügingi tañda koronavirustıñ kesirinen qaytıs bolğandar qatarı 37-ge jetken. Alayda indettiñ bar-joğına baylanıstı eldiñ işi ekige jarılğan. Virustıñ barına senbeytin azamattar da az emes. Mwnı köbi densaulıq saqtau ministriniñ BAQ ökilderine karantin aymağına jolatpau jönindegi «qate şeşimi» men aqparattandırudıñ jetkiliksizdigimen, sonday-aq öñirler men megapolisterdegi jergilikti qoğamdıq densaulıq saqtau basqarmalarınıñ jwmısındağı şikiliginen dep sanaydı.

Säuirde densaulıq saqtau ministrligi şarıqtau şegine jettik degenimen, bir ay ötpey mıñdağan keyske ösken reestrge baylanıstı keşe prezident Toqaev «şarıqtau şeginen öttik» dep mälimdedi. Dese de medicina salasınıñ sarapşıları käsipkerler men twrğındardıñ karantin talabına nemqwraylı  qarauınan aldağı uaqıtta mäsele uşığıp, dert oşağı örşip ketui mümkin ekenin aytıp dabıl qağuda.

"The Qazaq Times"