Körneki suret: Qazaqstan koronavirus keysteri boyınşa 49-orında twr. Foto: Shutterstock

Qazaqstanda alğaşqı koronavirus jwqtıru jağdayı anıqtalğan 13 naurızdan beri, 53 künniñ işinde eldegi nauqastar sanı 4 mıñnan astı.   

4028 keystiñ jiktelimi:

  • Almatı – 1317
  • Astana – 701
  • Qızılorda oblısı – 214
  • Şımkent qalası – 213
  • BQO – 193
  • Atırau oblısı – 184
  • Aqtöbe oblısı – 160
  • Qarağandı oblısı – 159
  • Almatı oblısı – 156
  • Jambıl oblısı – 154
  • Pavlodar oblısı – 150
  • Türkistan oblısı – 143
  • Aqmola oblısı – 101
  • Mañğıstau oblısı – 74
  • Qostanay oblısı – 50
  • SQO – 30
  • ŞQO – 29 adamnan virus tabılğan.

Dertinen ayıqqan 1134 adamnıñ eñ köbi astanadan (286), Almatı qalası (177) jäne Qızılorda oblısınan (138). Basqa öñirlerde sauığıp şıqqandar sanı jüzge jete qoymağan.

Al qaytıs bolğan jalpı 27 adamnıñ 8-i Almatı, 5-eui Şımkent qalaları men 4-eui Aqmola oblısınıñ twrğındarı. Sonday-aq astanada 3 nauqas, Qarağandı oblısında 2 jäne ŞQ, Qostanay, Mañğıstau, Pavlodar, Türkistan oblıstarında bir adamnan qaytqan.

  • 30 säuir – 264
  • 1  mamır – 195
  • 2 mamır – 260
  • 3 mamır – 63
  • 4 mamır – äzirge 108 nauqas tirkeldi.

Twtas älemdi eseñgiretken jwğuı jıldam äri asa auqımdı indetti jwqtıruşılar sanı boyınşa Qazaqstan qazirgi tañda düniejüzinde 57-orında twr.

Qazaqstandağı negizgi keyster reestri:

  • 13 naurız sağat 14.30 – birinşi nauqas (74 künde)*;
  • 13 säuir sağat 23.40 – 1 000 nauqas (31 künde);
  • 22 säuir sağat 09.25 – 2 000 nauqas (10 künde);
  • 27 säuir sağat 17.40 – 3 000 nauqas (6 künde);
  • 4 mamır sağat 18.35   – 4 000 nauqas (7 künde).

*Wikipedia: 2019 jılı 31 jeltoqsan küni Qıtayda alğaşqı jağday tirkeldi.

Qazaqstannıñ bas memlekettik sanitarlıq därigeri Ayjan Esmağambetova düysenbi küngi densaulıq saqtau ministrliginde ötken brifingte «elde epidemiologiya ahualı twraqtanğanın» aytıp, karantin aqırındap jeñildeytin boladı dedi. Onıñ sözinşe, ötken eki aptadağı koronavirus ösimi 7%-dan aspağan. Säuir ayında jappay testileudiñ arqasında COVID-19 infekciyasın jwqtırğan 1862 jağday, yağni barlıq keystiñ 52%-ı anıqtalğan. 17 öñirdiñ 13-inde keyster sanı jüzdiñ üstinde körsetude. Bwğan deyin jauaptı ministrlik mamır ayınıñ soñına qaray indetke şaldıqqan qazaqstandıqtardıñ qatarı 5,3 mıñğa deyin jetetinin boljağan edi.

Qazir älemde  3,5 milionnan astam adamnıñ koronavirus jwqtırğanı belgili. Olardıñ 249 mıñğa juığı dert meñdep qaytıs bolsa, 1,1 millionı auruınan ayığıp, üyine jiberilgen.

"The Qazaq Times"